ქართველმა ჩოგბურთელმა Australian Open-ის მეორე საკვალიფიკაციო რაუნდი ვერ გადალახა

© photo: Mariam Bolkvadze / FBმარიამ ბოლქვაძე
მარიამ ბოლქვაძე - Sputnik საქართველო
გამოწერა
Australian Open-ზე საქართველოს ერთადერთი წარმომადგენელი ნიკოლოზ ბასილაშვილი იქნება, რომელიც მსოფლიოს უძლიერესი ჩოგბურთელების რეიტინგში მე-40 ადგილზეა.

თბილისი, 12 იანვარი – Sputnik. ქართველმა ჩოგბურთელმა მარიამ ბოლქვაძემ (192-ე WTA-ს რეიტინგში) „დიდი სლემის“ სერიის Australian Open ტურნირის მეორე საკვალიფიკაციო ბარიერის გადალახვა ვერ შეძლო. 

ნიკილოზ ბასილაშვილი - Sputnik საქართველო
ნიკოლოზ ბასილაშვილი ანტალიაში მიმდინარე ტურნირს გამოეთიშა

ბოლქვაძემ რუსეთის წარმომადგენელ მარგარიტა გასპარიანთან ორ სეტში (3:6, 6:7) წააგო. მატჩი თითქმის ორი საათი გაგრძელდა.

პირველი სეტი გასპარიანის უპირატესობით წარიმართა, რაც შეეხება მეორე სეტს, იგი ორივე მხრიდან შეცდომების სიუხვით გამოირჩეოდა. საერთო ჯამში ჩოგბურთელებმა სამ–სამი ბრეიკი შეასრულეს. პარტიის ბედი ტაი-ბრეიკზე გადაწყდა, სადაც უფრო ძლიერი გასპარიანი აღმოჩნდა (7:3).

კიდევ ერთი ქართველი ჩოგბურთელი ეკატერინე გორგოძე (217) მეორე საკვალიფიკაციო რაუნდში ვერ გადავიდა. პირველივე მატჩში ქართველმა სპორტსმენმა გამარჯვება ხორვატ იან ფეტს (209) დაუთმო.

ასე რომ, Australian Open-ზე საქართველოს ერთადერთი წარმომადგენელი ნიკოლოზ ბასილაშვილი იქნება, რომელიც მსოფლიოს უძლიერესი ჩოგბურთელების რეიტინგში მე-40 ადგილზეა.

 

ყველა ახალი ამბავი
0