თბილისის „დინამოსა“ და უელსის „კონაჰს ქუეის“ მატჩი ჩავარდნის საფრთხის ქვეშ იყო – დეტალები

© photo: Sputnik / Stringerფეხბურთი
ფეხბურთი - Sputnik საქართველო
გამოწერა
საფეხბურთო მატჩი ჩავარდნის საფრთხის ქვეშ დადგა, რადგან უელსის გუნდის სამ მოთამაშეს კორონავირუსი დაუდგინდა.

თბილისი, 17 სექტემბერი – Sputnik. უეფას ევროპის ლიგის მეორე საკვალიფიკაციო რაუნდის მატჩი თბილისის „დინამოსა“ და უელსის „კონაჰს ქუეის“ შორის, რომელიც რექსამში გაიმართება, ჩავარდნის საფრთხის ქვეშ დადგა.

ამის მიზეზი კორონავირუსია, რომელიც უელსის გუნდის სამ წევრს აღმოაჩნდა, კიდევ ერთ ფეხბურთელს ინფექციის სიმპტომები აქვს. ამგვარად, თბილისურ კლუბთან თამაშის წინ „კონაჰს ქუეის“ მწყობრში მხოლოდ 14 ფეხბურთელი დარჩა.

საქართველო - ჩრდილოეთ მაკედონია - Sputnik საქართველო
საქართველოს ნაკრებმა უეფას ერთა ლიგაში ჩრდილოეთ მაკედონიასთან მატჩი ფრედ დაასრულა

უეფას წარმომადგენლებთან კონსულტაციის შემდეგ „კონაჰს ქუეის“ ხელმძღვანელობამ გადაწყვიტა, მაინც გავიდეს მინდორზე.

„ჩვენს გუნდს რთული ამოცანა აქვს – მხოლოდ 14 მოთამაშით საქართველოს ჩემპიონს უნდა დაუპირისპირდეს. მაგრამ ყველაფერს გავაკეთებთ, რომ მატჩი ღირსეულად ჩავატაროთ“, – ნათქვამია კლუბის განცხადებაში.

უნდა აღინიშნოს, რომ კორონავირუსის გარდა, რომელიც ფეხბურთელებს აღმოაჩნდათ, გუნდში კიდევ ტრავმირებული მოთამაშეებიც არიან, მათ შორის კლუბის ლიდერები – ჯორჯ ჰორანი და აერონ ედვარდსი.

მატჩი „კონაჰს ქუეისა“ და თბილისის „დინამოს“ შორის 17 სექტემბერს „რეიკორს გრაუნდის“ სტადიონზე თბილისის დროით 21:00 საათზე დაიწყება.

ყველა ახალი ამბავი
0