ცნობილი გახდა საქართველოსა და ბელარუსის ნაკრებებს შორის მატჩის ჩატარების თარიღი

© Sputnik / Alexander Imedashviliსაქართველო-ყაზახეთი. უეფას ერთა ლიგის მატჩი
საქართველო-ყაზახეთი. უეფას ერთა ლიგის მატჩი - Sputnik საქართველო
გამოწერა
წელს უეფას ეგიდით დაგეგმილი ყველა მატჩი კორონავირუსის გავრცელების გამო გაურკვეველი ვადით გადაიდო, მათ შორის საქართველო–ბელარუსის შეხვედრა.

თბილისი, 17 ივნისი – Sputnik. უეფას ერთა ლიგის ნახევარფინალი საქართველოსა და ბელარუსის ნაკრებებს შორის თბილისში, „დინამო არენაზე“ 8 ოქტომბერს გაიმართება. ამის შესახებ გადაწყვეტილება უეფას აღმასრულებელი კომიტეტის სხდომაზე მიიღეს.

სხდომაზე ასევე გადაწყდა, რომ ფინალური მატჩი 12 ნოემბერს გაიმართება. ამგვარად, თუ საქართველოს ნაკრები ბელარუსს მოუგებს, ფინალში, რომელიც ასევე თბილისში გაიმართება, ის კოსოვოსა და ჩრდილოეთ მაკედონიას შორის გამარჯვებულს 12 ნოემბერს დაუპირისპირდება.

უეფას ოფიციალური მატჩი ევრო–2020 Uniforia - Sputnik საქართველო
საქართველო უეფასგან 4,3 მილიონი ევროს დახმარებას მიიღებს

პლეი-ოფის გამარჯვებული მოიპოვებს ევროპის ჩემპიონატის საგზურს, რომელიც მომდევნო წლის ზაფხულში გაიმართება.

თავდაპირველად საქართველოსა და ბელარუსის ნაკრებებს შორის მატჩი „დინამო არენაზე“ 26 მარტს იყო დაგეგმილი, მაგრამ კორონავირუსის პანდემიის გამო ყველა სპორტული მოვლენა გაურკვეველი ვადით გადაიდო, მათ შორის ეს შეხვედრაც. თავდაპირველად უეფაში განაცხადეს, რომ ერთა ლიგის ნახევარფინალები ზაფხულის დასაწყისში შედგებოდა, მაგრამ შემდეგ მატჩები შემოდგომაზე გადაიტანეს, ხოლო ზუსტი თარიღები არ დაუსახელებიათ.

საქართველოს ნაკრები უეფას ერთა ლიგის D დივიზიონის საკუთარ ჯგუფში გამარჯვებული გახდა და ბელარუსის, ჩრდილოეთ მაკედონიისა და კოსოვოს გუნდების მსგავსად ტურნირის პლეი-ოფში მონაწილეობის უფლება მიიღო.

ყველა ახალი ამბავი
0