თბილისი, 23 თებერვალი - Sputnik. ქართული ფეხბურთის ისტორიაში პირველად, სუპერთასის მატჩზე ერთ-ერთი არბიტრი ქალი იქნება, ნათქვამია საქართველოს ფეხბურთის ფედერაციის ვებგვერდზე გავრცელებულ განცხადებაში.
ქეთევან გაიპარაშვილი მთავარი არბიტრის მეორე ასისტენტი იქნება. პირველი ასისტენტი - გიორგი ელიკაშვილი. მთავარი არბიტრი კი გოგა კიკაჩეიშვილი იქნება.
სლავა მეტრეველის სახელობის სუპერთასის მატჩი 23 თებერვალს მიხეილ მესხის სახელობის სტადიონზე 17:00 საათზე დაიწყება. მატჩზე დასწრება თავისუფალია.
საქართველოს სუპერთასის მოქმედი მფლობელია ქუთაისის „ტორპედო“.