საქართველოს ფეხბურთის ნაკრებმა გიბრალტარს მოუგო

© Sputnik / STRINGERსაფეხბურთო მატჩი: საქართველო-გიბრალტარი
საფეხბურთო მატჩი: საქართველო-გიბრალტარი - Sputnik საქართველო
გამოწერა
გუნდმა, რომელსაც ხუთ მატჩში არც ერთი ბურთი არ გაუტანია, საქართველოსთან ორი გოლის გატანა მოახერხა.

თბილისი, 16 ოქტომბერი — Sputnik. საქართველოს ფეხბურთის ნაკრებმა გიბრალტარს „ევრო-2020“-ის შესარჩევი ტურნირის მატჩში დიდი ძალისხმევის შედეგად მოუგო – 3:2.

პირველი ტაიმი ქართველმა ფეხბურთელებმა მეტოქის კარის შეტევებით დაიწყეს და უკვე 21-ე წუთზე ანგარიში 2:0 იყო ხარაიშვილისა და კანკავას გოლების წყალობით. ასეთი შედეგი შესვენებამდე შენარჩუნდა.

საქართველო-დანია - Sputnik საქართველო
საქართველოს ფეხბურთის ნაკრებმა დანიასთან მატჩი ფრედ დაასრულა

თუმცა, მეორე ტაიმში სურათი შეიცვალა – ლორიას კარი ჯერ კასიარომ, ხოლო შემდეგ ჩიპოლინამ აიღეს. საქართველოს ნაკრები ქვილითაიამ იხსნა 84-ე წუთზე და ამით ტაბლოზე საბოლოო ანგარიში დაფიქსირდა.

შედეგად, საქართველოს ნაკრებმა D ჯგუფში რვა ქულა მოაგროვა და ის მეოთხე ადგილს იკავებს.

ამავე ჯგუფში პარალელურად შვეიცარიამ ირლანდიას უმასპინძლა და 2:0 მოუგო.

შესარჩევ ციკლში ბოლო შეხვედრას საქართველოს ნაკრები სტუმრად შვეიცარიის წინააღმდეგ 15 ნოემბერს გამართავს.

ყველა ახალი ამბავი
0