ქართველმა ჩოგბურთელმა მარიამ ბოლქვაძემ US Open-ზე სენსაცია მოახდინა

© photo: Mariam Bolkvadze / FBმარიამ ბოლქვაძე
მარიამ ბოლქვაძე - Sputnik საქართველო
გამოწერა
ქართველი ჩოგბურთელი მომდევნო შეხვედრას მსოფლიოს მესამე ჩოგანთან გამართავს

თბილისი, 26 აგვისტო - Sputnik. ქართველი ჩოგბურთელი მარიამ ბოლქვაძე, რომელიც WTA-ს რეიტინგში 202-ე ადგილს იკავებს, US Open – „დიდი სლემის" სერიის ტურნირის მეორე წრეში გადავიდა. შეჯიბრება ნიუ-იორკში მიმდინარეობს.

პირველ წრეში ბოლქვაძემ სამ სეტში დაამარცხა ამერიკელი ბერნარდა პერა (69) – 6:3, 5:7, 6:4. მატჩი თითქმის ორსაათ-ნახევარს გაგრძელდა.

მარიამ ბოლქვაძე - Sputnik საქართველო
ქართველი ჩოგბურთელი მარიამ ბოლქვაძე US Open-ზე პირველად იასპარეზებს

მატჩის განმავლობაში ბოლქვაძემ ექვსჯერ შეძლო მეტოქის ჩაწოდების აღება. აღსანიშნავია, რომ ქართველმა მოთამაშემ გაცილებით სუფთად ითამაშა და მხოლოდ 48 არაიძულებითი შეცდომა დაუშვა, მისმა მოწინააღმდეგემ კი - 61.

მეორე წრეში ბოლქვაძე შეხვდება გაცილებით უფრო სერიოზულ მეტოქეს - ჩეხ კაროლინა პლიშკოვას, რომელსაც მსოფლიოს უძლიერესი ჩოგბურთელების სიაში მესამე ადგილი უკავია. პირველ წრეში პლიშკოვამ ორი სეტიდან 7:6, 7:6 დაამარცხა თავისი თანამემამულე ტერეზა მარტინცოვა.

ბოლქვაძე პირველი ქართველი ჩოგბურთელია, რომელიც 2014 წლის შემდეგ „დიდი სლემის" ტურნირის ძირითად ბადეში მოხვდა. ხუთი წლის წინ ეს სოფიო შაფათავამ „როლან გაროსზე" მოახერხა.

ყველა ახალი ამბავი
0