23:58 16 ივნისი 2019
პირდაპირი ეთერი
  • EUR3.0943
  • 100 RUB4.2700
  • USD2.7468
ლევან გორგაძე - ტოჩინოშინი

ქართველი სუმოისტი ტურნირზე ზედიზედ მეორედ დამარცხდა

© photo: AFP 2019 / JIJI PRESS
სპორტი
მოკლე ბმულის მიღება
სპორტის ამბები (173)
81 0 0

ტოჩინოშინს ოძეკის ტიტულის დასაბრუნებლად ერთი გამარჯვება სჭირდება

თბილისი, 23 მაისი - Sputnik. ქართველმა სუმოისტმა ლევან გორგაძემ (ტოჩინოშინმა) ტოკიოში ზაფხულის ნაცუ ბაშოზე ზედიზედ მეორე მარცხი განიცადა.

მე-12 საშეჯიბრო დღეს ტოჩინოშინი ხვდებოდა დასავლეთის მეშვიდე მაეგაშირას - მეისეიემს, და ბევრი სპეციალისტისათვის მოულოდნელად დამარცხდა - მეტოქემ ჩვენი სუმოისტი ჭილოფიდან ერთი ამოსუნთქვით გააძევა.

ეს დამარცხება ტოჩინოშინისთვის ამ ნაცუ ბაშოზე მესამე გახდა და ახლა მისი ბალანსია 9-3. ოძეკის ტიტულის დასაბრუნებლად, რომელიც ქართველმა სპორტსმენმა გაზაფხულის ჰარუ-ბაშოზე დაკარგა, გორგაძეს სამიდან ერთი შერკინების მოგება სჭირდება.

ტოჩინოშინის მომდევნო მეტოქე გახდება ნაცუ ბაშოს ერთ-ერთი ლიდერი - დასავლეთის მერვე მაეგაშირა - ასანოიამა (ჰიროკი ისიბასი). იოკოძუნა კაკიურუს მსგავსად, ასანოიამამ ტურნირზე 12-დან 10 შეხვედრა მოიგო.

ტოჩინოშინი და ასანოიამა ერთმანეთს სულ ერთხელ შეხვდნენ და გამარჯვება ქართველმა სუმოისტმა მოიპოვა.

თემები:
სპორტის ამბები (173)

მთავარი თემები