07:21 21 აპრილი 2019
პირდაპირი ეთერი
  • EUR3.0291
  • 100 RUB4.2126
  • USD2.6935
საქართველოს ჭადრაკის ნაკრები უნგრეთის ნაკრების წინააღმდეგ

ქართველი მოჭადრაკე ქალები ევროპის ჩემპიონის ტიტულისთვის იბრძოლებენ

© Georgian Chess Federation / FB / David Llada
სპორტი
მოკლე ბმულის მიღება
სპორტის ამბები (70)
6310

ევროპის ჩემპიონატის შედეგებით საუკეთესო 14 მოჭადრაკე ფიდეს მსოფლიო თასის საგზურს მიიღებს.

თბილისი, 11 აპრილი — Sputnik. რვა ქართველი მოჭადრაკე ქალი მიიღებს მონაწილეობას ევროპის ჩემპიონატში ჭადრაკში, რომელიც თურქეთის კურორტ ანტალიაში დაიწყო.

ტურნირში გამარჯვების ერთ-ერთი მთავარი პრეტენდენტია საქართველოს ქალთა ნაკრების ლიდერი ნანა ძაგნიძე. ევროპის გასულ ჩემპიონატზე ძაგნიძემ მეორე ადგილი დაიკავა, ხოლო ორი წლის წინ ევროპის უძლიერესი მოჭადრაკე გახდა.

ძაგნიძის კონკურენტები შეიძლება გახდნენ ოლგა გირია და ნატალია პოგონინა რუსეთიდან, უკრაინელი ანა უშენინა და ეკატერინა ატალიკი თურქეთიდან.

ტურნირის პირველ დღეს ძაგნიძე ტურნირის მასპინძელს ბეთულ იელდიზს დაუპირისპირდება.

კონტინენტის პირველობაზე მთლიანობაში 31 ქვეყნის 131 მოჭადრაკე ქალი მიიღებს მონაწილეობას. ტურნირის საერთო საპრიზო ფონდია 60 ათასი ევრო. აქედან გამარჯვებული 10 ათასს მიიღებს.

ძაგნიძის გარდა, საქართველოს ნაკრების შემადგენლობაში ევროპის ჩემპიონატზე წარმოდგენილი არიან ბელა ხოტენაშვილი, ნინო ბაციაშვილი, მერი არაბიძე, სალომე მელია, სოფო ხუხაშვილი, მირანდა მიქაძე და ეკატერინე ფიფია.

მსოფლიოს საუკეთესო ქალ მოჭადრაკედ ნანა ძაგნიძე დასახელდა>>

ევროპის ჩემპიონატი შვეიცარიული სისტემით 11 ტურად ჩატარდება და 23 აპრილამდე გაგრძელდება.

თემები:
სპორტის ამბები (70)

მთავარი თემები