04:15 20 ივნისი 2019
პირდაპირი ეთერი
  • EUR3.1229
  • 100 RUB4.3536
  • USD2.7871
ნიკოლოზ ბასილაშვილი

ინდიან–უელსში ტურნირზე ბასილაშვილის პირველი მოწინააღმდეგე ინდოეთის წარმომადგენელი იქნება

© photo: Nikoloz Basilashvili / FB
სპორტი
მოკლე ბმულის მიღება
სპორტის ამბები (180)
14410

ტურნირის საპრიზო ფონდი 9,3 მლნ დოლარს შეადგენს.

თბილისი, 8 მარტი – Sputnik. საქართველოს პირველი ჩოგანი ნიკოლოზ ბასილაშვილი (მე-18 ნომერი АТР-ს რეიტინგში) ამ დღეებში ინდიან–უელსში (აშშ) მიმდინარე „მასტერსის" სერიის საჩოგბურთო ტურნირის პირველ წრეში ინდოელ პრაჯნეშ გუნესვარანს (97) შეხვდება. 


ბასილაშვილი და გუნესვარანი მანამდე ერთმანეთს არასდროს დაპირისპირებიან. შეხვედრა 9 მარტს, თბილისის დროით 23:00 საათზე დაიწყება.

2018 წელს ბასილაშვილი ინდიან–უელსის ტურნირს ტრავმის გამო პირველივე რაუნდიდან გამოეთიშა და, შესაბამისად, ვერც ერთი რეიტინგული ქულა ვერ გამოიმუშავა. ეს კი ნიშნავს, რომ ამ სეზონზე ტურნირის ნებისმიერი მოგებული მატჩის შედეგად ბასილაშვილი რეიტინგულ ქულებს მოიპოვებს და დიდი ალბათობით АТР-ს განახლებულ რეიტინგში საკუთარ პოზიციებს გაიუმჯობესებს.

ინდოელ ჩოგბურთელთან გამარჯვების შემთხვევაში ქართველი სპორტსმენი გამოიმუშავებს 45 სარეიტინგო ქულას და დაახლოებით 50 ათას დოლარს.

აღსანიშნავია, რომ ბასილაშვილი ინდიან–უელსში 17 ნომრადაა განთესილი.

ინდიან–უელსში BNP Paribas Open-ის „მასტერსი“ 17 მარტამდე გასტანს. ტურნირის საპრიზო ფონდი 9,3 მლნ დოლარს შეადგენს.

თემები:
სპორტის ამბები (180)

მთავარი თემები