21:07 26 აპრილი 2019
პირდაპირი ეთერი
  • EUR3.0067
  • 100 RUB4.1654
  • USD2.7007
ფუტსალი. საქართველო-გერმანია

საქართველოს ნაკრები ფუტსალში მსოფლიო ჩემპიონატის ძირითად შესარჩევ რაუნდში გავიდა

© Sputnik / Alexander Imedashvili
სპორტი
მოკლე ბმულის მიღება
სპორტი და საქართველო 2018 (581)
127 0 0

თბილისის ტურნირზე საქართველოს ნაკრები კიდევ ერთ მატჩს დანიის წინააღმდეგ გამართავს.

თბილისი, 1 თებერვალი — Sputnik. საქართველოს ეროვნულმა ნაკრებმა ფუტსალში ისრაელის გუნდი 7:0 დაამარცხა. ეს იყო მეორე მატჩი თბილისში დაწყებული მსოფლიო ჩემპიონატის წინასწარი საკვალიფიკაციო რაუნდის ფარგლებში. ამ გამარჯვებით საქართველოს ნაკრები ტურნირის ძირითად შესარჩევ სტადიაზე გავიდა.

ისევე, როგორც პირველ მატჩში გერმანიასთან (5:1), ქართველმა ფეხბურთელებმა ისრაელის წინააღმდეგ თამაში დიდი უპირატესობით ჩაატარეს. ავთანდილ ასათიანის გუნდმა მეტოქის კარში საერთო ჯამში 15 დარტყმა განახორციელა, აქედან შვიდი შედეგიანი აღმოჩნდა.

მეტოქის კარში გოლები გაიტანეს: თალესმა (სამი), შოთა თოფურიამ, ფუმასამ, გია ნიკვაშვილმა და ვახტანგ ჯვარაშვილმა.

საქართველოს ნაკრებმა ამ გამარჯვებით ჯგუფში პირველი ადგილი გაინაღდა და მომდევნო ეტაპის საგზური ნაადრევად მოიპოვა.

უეფას რეგლამენტის თანახმად, წინასწარი რაუნდის თითოეული ჯგუფის ორი საუკეთესო ნაკრები 2020 წლის მსოფლიო ჩემპიონატის შესარჩევ ძირითად რაუნდში გავა, რომელიც მიმდინარე წლის 22-27 ოქტომბერს გაიმართება.

მსოფლიო ჩემპიონატი ფუტსალში 2020 წლის 14 სექტემბრიდან 4 ოქტომბრის ჩათვლით ლიტვაში ჩატარდება. ტურნირში მონაწილეობას მიიღებს 24 გუნდი. აქედან რვა ევროპას წარმოადგენს. მოქმედი გამარჯვებულია არგენტინის ნაკრები.

თემები:
სპორტი და საქართველო 2018 (581)

მთავარი თემები