თბილისი, 12 ნოემბერი — Sputnik. ქართველმა სამბისტმა ელენე ქებაძემ ოქროს მედალი მოიპოვა მსოფლიო ჩემპიონატზე, რომელიც ამ დღეებში ბუქარესტში (რუმინეთი) მიმდინარეობს.
ფინალურ შეჯიბრებაში +80 კგ წონით კატეგორიაში ქებაძემ ანა ბალაშოვას (რუსეთი) სძლია.
საქართველოს ნაკრებისთვის ეს ბუქარესტის ტურნირზე რიგით მერვე მედალია. უფრო ადრე ოქრო მოიპოვეს ვახტანგ ჭანტურიშვილმა (-57 კგ), ბესარიონ ბერულავამ (-82) და ნინო ოძელაშვილმა (-72). ვერცხი ერგო ბექა ბერძენიშვილს (+100), ხოლო სამი ბრინჯაო - გივი ნადარეიშვილს (-52), პაატა ღვინიაშვილსა (-90) და დავით ლორიაშვილს (-100).
საერთო გუნდურ ჩათვლაში საქართველოს ნაკრების სამბისტებმა მეორე ადგილი დაიკავეს. პირველზე გავიდა რუსეთის ნაკრები, ხოლო მესამე ადგილზე – ტაჯიკეთის.
რაც შეეხება ცალკე ქალებს, ორი ოქროს მედლის წყალობით ქართველმა სამბისტებმა საერთო გუნდურ ჩათვლაში მესამე ადგილი დაიკავეს. პირველზე გავიდა რუსეთის ნაკრები, ხოლო მეორეზე – ბელარუსის.