საფრანგეთი 2018 წლის მსოფლიო ჩემპიონია ფეხბურთში

© photo: Sputnik / Alexey Filippov / გადასვლა მედიაბანკშიფეხბურთის მსოფლიო ჩემპიონატი-2018. საფრანგეთის ნაკრების მოთამაშეები გამარჯვებულთა დაჯილდოების ცერემონიაზე
ფეხბურთის მსოფლიო ჩემპიონატი-2018. საფრანგეთის ნაკრების მოთამაშეები გამარჯვებულთა დაჯილდოების ცერემონიაზე - Sputnik საქართველო
გამოწერა
საფრანგეთი მსოფლიოს ორგზის ჩემპიონი გახდა - 1998 და 2018 წლების

თბილისი, 15 ივლისი — Sputnik. საფრანგეთის ნაკრებმა რუსეთში მსოფლიო ჩემპიონატის ფინალში ხორვატიის გუნდს ანგარიშით 4:2 მოუგო და მსოფლიო ჩემპიონის ტიტული მოიპოვა.

ანგარიში მე-18 წუთზე გაიხსნა — ხორვატიელმა ფორვარდმა მარიო მანჯუკიჩმა ავტოგოლი გაიტანა, 28-ე წუთზე მისი გუნდელმა ივან პერიშიჩმა საპასუხო გოლი გაიტანა. ფრანგები 38-ე წუთზე დაწინაურდნენ, როდესაც ანტუან გრიზმანმა შეასრულა პენალტი, რომელიც არბიტრების ვიდეოდახმარების სისტემის გამოყენების შემდეგ დაინიშნა.

შესვენების შემდეგ პოლ პოგბამ (59) და კილიან მბაპემ (65) ფრანგების უპირატესობა გაზარდეს. 69-ე წუთზე მანჯუკიჩმა მეტოქის მეკარის, უგო ლორისის შეცდომით ისარგებლა და ხორვატიის ნაკრების მეორე გოლი გაიტანა.

© photo: Sputnik / Grigory Sysoev / გადასვლა მედიაბანკშიფეხბურთი. მსოფლიო ჩემპიონატი-2018. მატჩი საფრანგეთი - ხორვატია
Футбол. ЧМ-2018. Финал. Матч Франция - Хорватия - Sputnik საქართველო
ფეხბურთი. მსოფლიო ჩემპიონატი-2018. მატჩი საფრანგეთი - ხორვატია

ფრანგები მსოფლიო ჩემპიონები პირველად 1998 წელს შინაურ მუნდიალზე გახდნენ. 2006 წლის მსოფლიო ჩემპიონატზე საფრანგეთის ნაკრები ფინალამდე მივიდა, სადაც პენალტების შედეგებით იტალიელებთან დამარცხდა. 

ხორვატიის ნაკრებისთვის რუსეთის ტურნირზე გამოსვლა ისტორიაში საუკეთესო გახდა. 1998 წელს ხორვატები მსოფლიო ჩემპიონატის ბრინჯაოს პრიზიორები გახდნენ.

© photo: Sputnik / Alexey Filippov / გადასვლა მედიაბანკშისაფრანგეთის პრეზიდენტი ემანუელ მაკრონი და ხორვატიის პრეზიდენტი კოლინდა გრაბარ-კიტაროვიჩი მსოფლიო ჩემპიონატის ფინალური მატჩის დროს საფრანგეთის და ხორვატიის ნაკრებებს შორის
Президент Франции Эммануэль Макрон и президент Хорватии Колинда Грабар-Китарович во время финального матча чемпионата мира по футболу между сборными Франции и Хорватии - Sputnik საქართველო
საფრანგეთის პრეზიდენტი ემანუელ მაკრონი და ხორვატიის პრეზიდენტი კოლინდა გრაბარ-კიტაროვიჩი მსოფლიო ჩემპიონატის ფინალური მატჩის დროს საფრანგეთის და ხორვატიის ნაკრებებს შორის

მსოფლიო ჩემპიონატი რუსეთში 14 ივნისს დაიწყო, მატჩები რუსეთის 11 ქალაქის 12 სტადიონზე გაიმართა.

ფეხბურთში მსოფლიო ჩემპიონატის შესახებ მთელ ინფორმაციას იხილავთ Sputnik-ის სპეცპროექტში FIFA-2018.


ყველა ახალი ამბავი
0