თბილისი, 30 ივნისი – Sputnik. საქართველოს კალათბურთის ნაკრებმა 2019 წლის მსოფლიო ჩემპიონატის შესარჩევ მატჩში საკუთარ მოედანზე სერბეთთან წააგო 50:87.
სტუმრებმა, რომლებიც თბილისში, ფაქტობრივად, სარეზერვო შემადგენლობით ჩამოვიდნენ, მატჩის დასაწყისშივე ჩაიგდეს ხელში უპირატესობა. პირველი მეოთხედი დასრულდა ანგარიშით 18:11, ხოლო მეორე – 19:7. შესვენებაზე უკვე ცხადი იყო, რომ 19 ქულის ანაზღაურება ქართველებს ფრიად გაუჭირდებოდათ.
შესვენების შემდეგ ილიას ზუროსის გუნდი გააქტიურდა, მაგრამ ამან საქმეს ვერ უშველა. საბოლოო ანგარიში სერბეთის გამარჯვებით დაფიქსირდა 87:50.
ყველაზე შედეგიანი მოთამაშე სტუმრებს შორის იყო დეჟან ტოდოროვიჩი – 34 ქულა.
საქართველოს ნაკრებს ცოტა დააკლდა, რომ ამ თამაშში თავის ანტირეკორდს მიახლოებოდა – 1998 წელს ქართველი კალათბურთელები გასვლით მატჩში იტალიელებთან დამარცხდნენ 47–ქულიანი განსხვავებით – 43:90.
შემდეგი შესარჩევ მატჩს G ჯგუფში საქართველოს ნაკრები 2 ივლისს ავსტრიის წინააღმდეგ გამართავს. თამაში თბილისის სპორტის სასახლეში 19:00 საათზე დაიწყება.
