ძიუდოისტები ფედერაციის პრეზიდენტის გადადგომას მოითხოვენ

© photo: Sputnik / Denis Aslanovსაქართველოს ძიუდოს ნაკრები: ვარლამ ლიპარტელიანი, ავთო ჭრიკიშვილი, ბექა ღვინიაშვილი, ადამ ოქრუაშვილი, ვაჟა მარგველაშვილი და ამირან პაპინაშვილი
საქართველოს ძიუდოს ნაკრები: ვარლამ ლიპარტელიანი, ავთო ჭრიკიშვილი, ბექა ღვინიაშვილი, ადამ ოქრუაშვილი, ვაჟა მარგველაშვილი და ამირან პაპინაშვილი - Sputnik საქართველო
გამოწერა
ძიუდოს ფედერაციის რიგგარეშე ყრილობა დაინიშნა

თბილისი, 5 მაისი — Sputnik. თბილისში, ვაკის პარკში საპროტესტო აქციაზე შეკრებილმა ძიუდოისტებმა ძიუდოს ფედერაციის პრეზიდენტის, დავით ქევხიშვილის გადადგომა მოითხოვეს.

ევროპის ჩემპიონატზე საქართველოს ეროვნული ნაკრების მარცხის გამო, საქართველოს ძიუდოს ეროვნული ნაკრების სამწვრთნელო შტაბი სრული შემადგენლობით გადადგა.

ქართველი ძიუდოისტების პროტესტი მეორე დღეა გრძელდება. სპორტსმენები ქევხიშვილის გადადგომას, უკეთეს პირობებს ვარჯიშისთვის და უკეთეს მწვრთნელებს მოითხოვენ.

ძიუდოისტი ლაშა შავდათუიაშვილი - Sputnik საქართველო
საქართველოს ძიუდოს ნაკრების მთლიანი სამწვრთნელო შტაბი გადადგა

მათი თქმით, წინააღმდეგ შემთხვევაში ისინი ორშაბათს ძიუდოს ფედერაციასთან აქციას გამართავენ და გულშემატკივრებსაც მოუწოდებენ დემონსტრაციაზე მოსვლისკენ.

სპორტსმენ ვარლამ ლიპარტელიანის განცხადებით, ძიუდოისტები წყვეტენ ვარჯიშს და არ მიიღებენ მონაწილეობას შეჯიბრებებში, ვიდრე ძიუდოს ფედერაციის პრეზიდენტი თანამდებობას არ დატოვებს.

ქევხიშვილმა ჟურნალისტებთან საუბრისას განაცხადა, რომ გადადგომას არ აპირებს. 

ძიუდოს ნაკრები - Sputnik საქართველო
ვინ გადაწონის – ძიუდოს ნაკრების კაპიტანი ვარლამ ლიპარტელიანი თუ ფედერაციის პრეზიდენტი

„ყველა საკითხში, რომელზეც ისინი საუბრობენ, მართალი ვარ და ტყუილად მწამებენ ცილს. ჩემი მხრიდან, მათთან მიმართებაში მხოლოდ გვერდში დგომა და პატივისცემა იყო გამოხატული. კარგია, რომ გაირჩეს მტყუან-მართალი და კონკრეტული ფაქტები მითხრან, რაში ვუშლიდი ხელს, რომ წარმატებისთვის მიეღწიათ”, — განაცხადა ქევხიშვილმა.

ძიუდოს ეროვნულმა ფედერაციამ გაავრცელა განცხადება, რომლის თანახმად 10 მაისს, 12:00 საათზე სასტუმრო „რედისონში“ ფედერაციის რიგგარეშე ყრილობა გაიმართება. ყრილობაზე მოისმენენ ფედერაციის პრეზიდენტის ანგარიშს და მიმდინარე პროცესებს განიხილავენ.

დავით ქევხიშვილი საქართველოს ძიუდოს ფედერაციის პრეზიდენტია 2012 წლის 10 დეკემბრიდან. ის გასულ წელს ყვარლის მუნიციპალიტეტის საკრებულოს თავმჯდომარედ აირჩიეს. 2017 წლის 21 ოქტომბრის ადგილობრივი თვითმმართველობის საარჩევნო სიაში ქევხიშვილი ყვარლის მუნიციპალიტეტში „ქართული ოცნების" პარტიული სიის პირველი ნომერი იყო.



ყველა ახალი ამბავი
0