თბილისი, 14 აპრილი — Sputnik. „სპორტი მშვიდობისთვის და განვითარებისთვის"- ამ დევიზით, 14 აპრილს, თბილისში, ლისის ტბაზე სპორტის საერთაშორისო დღე აღინიშნება, იუწყება საქართველოს კულტურისა და ძეგლთა დაცვის სამინსიტრო.
სპორტული ღონისძიებები 10:00 საათიდან, საფეხბურთო ტურნირით დაიწყება, 11:00 საათზე დაგეგმილია მძლეოსნური გარბენი, 12:00 საათიდან კი მსურველებს შესაძლებლობა აქვთ მონაწილეობა მიიღონ 20-ზე მეტ სპორტულ აქტივობაში.
ლისის ტბაზე შემდეგი სპორტული აქტივობები ჩატარდება: სპორტული ავტომობილების გამოფენა, მეკლდეურობა, კალათბურთი, ნარდი, მკლავჭიდი, ჭადრაკი, ქართული ჭიდაობა, საბრძოლო ხელოვნება, მჯდომარე ფრენბურთი (პარა ფრენბურთი), სროლა, აფროსნობა, სკეიტერების საჩვენებელი გამოსვლა, ხელბურთი, მძლეოსნური გარბენი (სტარტი, ფინიში), კანოე პოლო, მშვილდოსნობა, პეტანკა, საავიაციო სპორტი, ფეხბურთი, ბავშვთა რაგბი, ფრისბი, მხიარული სტარტები.
პატარებისთვის მოწვეული არიან სამხატვრო ისნტრუქტორები. დასწრება თავისუფალია. ღონისძიება მიეძღვნება საქართველოს პირველი დემოკრატიული რესპუბლიკის დაარსების 100 წლის იუბილეს.
სპორტული ღონისძიებები ჩატარდება კულტურისა და სპორტის სამინისტროსა და ფედერაციის „სპორტი ყველასათვის“ ორგანიზებით, ასევე თბილისის მერიისა და ლისის ტბის ადმინისტრაციის მხარდაჭერით.
2018 წლიდან კი საქართველო ევროპის სპორტის კვირეულს უერთდება.
