07:32 23 ივლისი 2018
პირდაპირი ეთერი
  • EUR2.8436
  • 100 RUB3.8430
  • USD2.4417
ნანა ძაგნიძე

ქართველმა მოჭადრაკე ქალმა ევროპის ჩემპიონატზე ლიდერის პოზიციები დათმო

© Sputnik / Alexander Imedashvili
სპორტი
მოკლე ბმულის მიღება
სპორტი და საქართველო (378)
75 0 0

ევროპის პირველობაზე საქართველოს შვიდი მოჭადრაკე წარმოადგენს

თბილისი, 13 აპრილი – Sputnik. ჭადრაკში საქართველოს ქალთა ნაკრების ლიდერმა ნანა ძაგნიძემ ევროპის ჩემპიონატის მეხუთე ტურში უკრაინელ ანა უშენინასთან წააგო. ტურნირი სლოვაკეთის ქალაქ ვისოკე–ტატრიში მიმდინარეობს.

ამ მარცხის გამო ძაგნიძემ ტურნირზე ლიდერის პოზიციები ვერ შეინარჩუნა და ოთხი ქულით მეხუთე პოზიციაზე გადაინაცვლა.

ცხრილის სათავეში ერთნაირი 4,5 ქულით არიან ვალენტინა გუნინა (რუსეთი) და ანა უშენინა (უკრაინა), მაგრამ დამატებითი მაჩვენებლებით რუსი მოჭადრაკე ლიდერობს.

ევროპის ჩემპიონატის მეექვსე ტურში ძაგნიძე აზერბაიჯანელ გიუნაი მამედზადეს შეხვდება.

ძაგნიძის გარდა კონტინენტის პირველობაში საქართველოდან კიდევ ექვსი მოჭადრაკე მონაწილეობს: ლეილა ჯავახიშვილი (V ტურის შემდეგ 31–ე ადგილი), ბელა ხოტენაშვილი (37), სალომე მელია (44), მერი არაბიძე (47), ნინო ბაციაშვილი (48) და მირანდა მიქაძე (60).

ევროპის ჩემპიონატი ჭადრაკში 11 ტურისგან შედგება. ის 20 აპრილამდე გაგრძელდება. ტურნირის საერთო საპრიზო ფონდია 75 ათასი ევრო. გამარჯვებული მიიღებს 11 ათასს, ვერცხლის პრიზიორი – 9 ათასს, ხოლო ბრინჯაოს – 7 ათასს.

ევროპის მოქმედი ჩემპიონი ნანა ძაგნიძეა. მან ეს ტიტული გასულ წელს რიგაში მოიპოვა.


თემები:
სპორტი და საქართველო (378)

მთავარი თემები