თბილისი, 22 დეკემბერი — Sputnik. საქართველოს ეროვნულმა ნაკრებმა ფეხბურთში ფიფა/კოკა-კოლას მიმდინარე წლის დასკვნით რეიტინგში 104-ე პოზიცია შეინარჩუნა.
ვლადიმირ ვაისის გუნდი ისევე, როგორც ნოემბრის რეიტინგში, 322 ქულით ზიმბაბვესა და ინდოეთს შორის განთავსდა.
საქართველოს გუნდს 2016 წელს 118-ე ადგილი ეკავა.
არ შეცვლილა რეიტინგის ლიდერთა სამეულიც. პირველ ადგილზეა კვლავ გერმანიის ნაკრები, მეორეზე — ბრაზილია და მესამეზე — პორტუგალია.
ფიფა/კოკა-კოლას რეიტინგის პირველი ათეული:
1. გერმანია
2. ბრაზილია
3. პორტუგალია
4. არგენტინა
5. ბელგია
6. ესპანეთი
7. პოლონეთი
8. შვეიცარია
9. საფრანგეთი
10. ჩილე
