თბილისი, 23 ნოემბერი — Sputnik. ბერძნულ-რომაული სტილით მოჭიდავე შმაგი ბოლქვაძემ (-66 კგ) ახალგაზრდა ძალოსანთა მსოფლიო ჩემპიონატზე (U-23) ოქროს მედალი მოიპოვა, რომელიც ამ დღეებში პოლონეთის ქალაქ ბიდგოშში ტარდება.
ნახევარფინალში ბოლქვაძემ ამ წონით კატეგორიაში ევროპის მოქმედი ჩემპიონი, პოლონელი რომან პაცურკოვსკი ანგარიშით 2:0 დაამარცხა, ხოლო ფინალში რუსი ალენ მირზოიანი დაამარცხა.
23 წლის ბოლქვაძისთვის ეს წარმატება სპორტულ კარიერაში მესამეა. 2016 წელს მან რიო-დე-ჟანეიროს ოლიმპიადაზე ბრინჯაოს მედალი მოიპოვა და რიგაში ევროპის ჩემპიონატზე მესამე გახდა.
ბოლქვაძესთან ერთად პედესტალის უმაღლეს საფეხურზე ასვლა კიდევ ორ ქართველ სპორტსმენს შეეძლო, თუმცა, ფინალურ ორთაბრძოლებში ორივე დამარცხდა. 80-წლამდე წონით კატეგორიაში ლაშა გობაძემ თურქეთის წარმომადგენელს დაუთმო, ხოლ მძიმეწონოსანმა ზვიად პატარიძემ (-130 კგ) ვერ შეძლო რუსი სერგეი სემიონოვის დამარცხება.
ადრე, ტურნირის პირველ დღეს კიდევ ერთი ვერცხლის მედალი მოიპოვა ქართველმა გელა ბოლქვაძემ (-75კგ).
ასე რომ, ქართველ სპორტსმენებს ბერძნულ-რომაული სტილით მოჭიდავეებმა ოთხი მედალი მოიპოვეს — ერთი ოქრო და სამი ვერცხლი.
