თბილისი, 6 ოქტომბერი — Sputnik. საქართველოს ფეხბურთის ახალგაზრდული ნაკრები (U-21) 2019 წლის ევროპის ჩემპიონატის შესარჩევი ციკლის ფარგლებში დღეს, 6 ოქტომბერს დანიის ქალაქ ოლბორგში მეორე მატჩს გამართავს.
ამ შეხვედრაში ახალგაზრდული ნაკრების მთავარი მწვრთნელი გია გეგუჩაძე რამდენიმე ფეხბურთელის გარეშე დარჩება. ტრავმების გამო დანიაში წავლა ვერ შეძლეს ვლადიმერ მამუჩაშვილმა („საბურთალო") და რომან ჭანტურიამ („პრატო", იტალია).
მესამე შესარჩევი ჯგუფის პირველ მატჩში, რომელიც გორში გაიმართა, ქართველმა ფეხბურთელებმა პოლონელებთან 0:3 წააგეს. რაც შეეხება დანიის ახალგაზრდულ ნაკრებს, მან უკვე ჩაატარა ორი შეხვედრა და ორივეჯერ მოიგო.
მატჩი საქართველოსა და დანიის ნაკრებებს შორის თბილისის დროით 20:00 საათზე დაიწყება.
