თბილისი, 3 ოქტომბერი — Sputnik. საქართველოს ეროვნულმა ნაკრებმა მზადება დაიწყო 2018 წლის მსოფლიო ჩემპიონატის D-ჯგუფის დასკვნითი შესარჩევი მატჩებისთვის უელსისა და სერბეთის ნაკრებების წინააღმდეგ, აღნიშნულია საქართველოს ფეხბურთის ფედერაციის ვებ-გვერდზე განთავსებულ განცხადებაში.
ვლადიმირ ვაისის გუნდი "თბილისის ზღვის" ტერიტორიაზე განთავსებულ სპორტულ ბაზაზე შეიკრიბა და პირველი ვარჯიში ჩაატარა. ვარჯიშში 17 ფეხბურთელი მონაწილეობდა. კიდევ 8 ლეგიონერი გუნდს 3 ოქტომბერს შეუერთდება.
უკვე ზუსტად არის ცნობილი, რომ უახლოეს ორ მატჩში მონაწილეობას ვერ მიიღებს ნაკრების ორი ნახევარმცველი — ჯანო ანანიძე (მოსკოვის "სპარტაკი") და თორნიკე ოქრიაშვილი ("კრასნოდარი"). ორივე ფეხბურთელს ტრავმა აქვს მიღებული.
მატჩი უელსის წინააღმდეგ გაიმართება 6 ოქტომბერს თბილისში, ხოლო სერბეთის წინააღმდეგ — 9 ოქტომბერს ბელგრადში.
რვა მატჩის შემდეგ საქართველოს ნაკრები D-ჯგუფში ხუთი ქულით მეხუთე ადგილზეა განთავსებული. ჯგუფის ლიდერია სერბეთი, რომლის აქტივში 18 ქულაა.
