თბილისი, 10 სექტემბერი — Sputnik. მოქმედი მსოფლიო ჩემპიონი ჭადრაკში მაგნუს კარლსენი (ნორვეგია) თბილისში მიმდინარე მსოფლიო თასის მეოთხე წრეში ვერ გავიდა.
მესამე ტურის პირველ პარტიაში შაბათს კარლსენი ჩინელ ბუ სიანჩჟისთან დამარცხდა, კვირას მეორე პარტიაში ყაიმი დაფიქსირდა. ამგვარად, ორი პარტიის ჯამური ქულების მიხედვით, კარლსენი ტურნირის შემდეგ სტადიაში ვერ გადავიდა.
ჭადრაკის მსოფლიო თასი, რომელშიც თავდაპირველად 128 მოთამაშე მონაწილეობდა, ნოკაუტ-სისტემით ტარდება. თითოეული მატჩი ყველა სტადიაზე ფინალის გარდა (4 პარტია) ორი პარტიისგან შედგება, თითოეული მოჭადრაკე ითამაშებს თეთრებით და შავებითაც. ყაიმის შემთხვევაში გამარჯვებული სწრაფ ჭადრაკში გამოვლინდება. ტურნირის გამარჯვებული და ფინალისტი 2018 წლის პრეტენდენტთა ტურნირზე საგზურებს მიიღებენ. თბილისის მსოფლიო თასის საპრიზო ფონდი 1 მილიონ დოლარს შეადგენს.
ტურნირის ფინალი 23-27 სექტემბერს გაიმართება.