თბილისი, 19 ივლისი — Sputnik. საფეხბურთო კლუბი "სამტრედია" აზერბაიჯანის "ყარაბაღთან" საპასუხო მატჩშიც დამარცხდა ანგარიშით 0:1. მატჩი უეფას ჩემპიონთა ლიგის მეორე საკვალიფიკაციო რაუნდის ფარგლებში გაიმართა. ამით "სამტრედიამ" ტურნირზე გამოსვლა დაასრულა.
ერთადერთი გოლი 22-ე წუთზე ვილდ გერიემ საჯარიმოდან ზუსტი დარტყმით გაიტანა.
ქართველ ფეხბურთელებს საპასუხო გოლის გატანის რამდენიმე შესაძლებლობა ჰქონდათ, მაგრამ ბოლო მომენტში უზუსტობების გამო ეს ვერ მოახერხეს.
ამგვარად, ორი მატჩის შედეგებით "სამტრედიამ" "ყარაბაღთან" 0:6 წააგო და ტურნირს გამოეთიშა.
მესამე საკვალიფიკაციო რაუნდში "ყარაბაღი" "კუკესისა" (ალბანეთი) და "შერიფის" (მოლდოვა) დაპირისპირებაში გამარჯვებულს შეხვდება. პირველი მატჩი ამ გუნდებს შორის მოლდოველების მინიმალური გამარჯვებით — 1:0 დასრულდა.