11:47 24 ოქტომბერი 2017
პირდაპირი ეთერი
U-20 საქართველო ირლანდია

U-20 მსოფლიოს ჩემპიონატზე ქართველმა მორაგბეებმა მეათე ადგილი დაიკავეს

© Sputnik/ STRINGER
სპორტი
მოკლე ბმულის მიღება
2201

ერთადერთი გამარჯვების წყალობით საქართველოს ნაკრებმა მსოფლიოს მომდევნო ჩემპიონატში მონაწილეობის უფლება გაინაღდა. ეს ჩემპიონატი, სავარაუდოდ, არგენტინაში ჩატარდება.

თბილისი 18 ივნისი-Sputnik. რაგბში საქართველოს ნაკრები U-20-ის მსოფლიოს ჩემპიონატზე, დასკვნით მატჩში დამარცხდა. მეცხრე ადგილისთვის ბრძოლაში ქართველმა რაგბისტებმა ირლანდიასთან 18:24 წააგეს.

ქართველებმა პირველი ტაიმი მოიგეს 10:7, მაგრამ მეორე ტაიმის დასაწყისში ზედიზედ ორი ლელო-გარდასახვა გამოეპარათ და სტუმრები დაწინაურდნენ 21:10.

თამაშში ინტრიგა გელა აფრასიძემ დააბრუნა. ქართველთა დამრტყმელმა მოედნის ცენტრიდან ულამაზესი რეიდით ლელო დადო და გარდასახვაც ზუსტად შეასრულა 18:21. თუმცა მეტის გაკეთება მასსპინძლებმა ვეღარ მოახერხეს, ბოლოსკენ ერთი ჯარიმაც მიიღეს და 18:24 წააგეს. 

ამრიგად, ირლანდიელებმა მეცხრე ადგილი დაიკავეს, მასპინძლებმა მეათე. მეთერთმეტე ადგილისთვის შეხვედრაში არგენტინამ სამოას სძლია 53:42, მეშვიდე ადგილი შოტლანდიელებმა ავსტრალიის ნაკრების დამარცხებით დაიბევეს 24:17.

მსოფლიოს  ჩემპიონის ვინაობა მიხეილ მესხის სახელობის სტადიონზე ამ წუთებში ირკვევა ინგლისისა და ახალი ზელანდიის შეხვედრაში.


მთავარი თემები