თბილისი, 25 მაისი — Sputnik. რუსეთის U-19 და U-23 ნაკრებებმა მოიპოვეს ექვსი ოქროს მედალი ევროპის ჩემპიონატზე ჯომარდობაში, რომელიც ბორჯომში დაიწყო.
იხილეთ შეჯიბრების მეორე დღის პირდაპირი ტრანსლაცია ბორჯომის ხეობიდან.
რუსეთის წარმომადგენელმა გოგონებმა (ასაკობრივი კატეგორია U-19) უმაღლესი სინჯის მედლები მოიგეს სპრინტში და პარალელურ სლალომში. რუსმა ჭაბუკებმა კი ორივე დისციპლინაში თურქ თანატოლებს დაუთმეს.
რაც შეეხება ახალგაზრდულ ნაკრებებს (U-23), სპრინტში და პარალელურ სლალომში უძლიერესი რუსეთის ნაკრები იყო, რომელმაც შეჯიბრება მოიგო როგორც ქალთა, ისე მამაკაცთა შორის.
ჩემპიონატის მეორე დღეს (25 მაისს) ამავე დისციპლინებში მედლებისათვის იბრძვიან პროფესიონალები (ქალები და მამაკაცები) (Open) და ვეტერანი მამაკაცები (Masters).
ევროპის ჩემპიონატი ჯომარდობაში საქართველოში 28 მაისამდე გაგრძელდება.
