თბილისი, 22 მაისი — Sputnik. სამბოში ევროპის ჩემპიონატის დასკვნით დღეს, რომელიც მინსკში გაიმართა, საქართველოს ნაკრებმა ოთხი მედალი მოიპოვა.
80 კგ-მდე წონით კატეგორიაში ვერცხლი ელენე ქებაძეს ერგო, რომელიც ფინალურ ორთაბრძოლაში უკრაინელ ანასტასია საპსაისთან დამარცხდა.
კიდევ სამი ბრინჯაო მიიღეს ზვიად ოდოშაშვილმა (-62 კგ), ნინო კუციამ (-82 კგ) და ბექა ბერძენიშვილმა (+100 კგ).
ევროპის ჩემპიონატზე საქართველო 14 სპორტსმენით იყო წარმოდგენილი. საქართველოს ნაკრებმა მთლიანობაში ცხრა მედალი მოიპოვა — ორი ოქროს, სამი ვერცხლის და ოთხი — ბრინჯაოს.
ევროპის ჩემპიონატის პრიზიორები გახდნენ:
ოქრო
ნინო ოძელაშვილი (-72 კგ)
ლევან ნახუცრიშვილი (-74 კგ)
ვერცხლი
ელენე ქებაძე (-80 კგ)
ვახტანგ ჩიდრაშვილი (-57 კგ)
პაატა ღვინიაშვილი (-90 კგ)
ბრინჯაო
ლევან ბერბერაშვილი (-52 კგ)
ზვიად ოდოშაშვილი (-62 კგ)
ნიკო კუცია (-82 კგ)
ბექა ბერძენიშვილი (+100 კგ).
