საქართველომ სამბოში ევროპის ჩემპიონატზე ოქრო და ვერცხლი მოიპოვა

© photo: Sputnik / Aleksey Nikolskiy / გადასვლა მედიაბანკშისამბო
სამბო - Sputnik საქართველო
გამოწერა
ჩემპიონატის ორი დღის შემდეგ საქართველოს ნაკრების აქტივშია ორი პირველი და ერთი – მეორე ადგილი.

თბილისი, 21 მაისი – Sputnik. ქართველი სამბისტი ლევან ნახუცრიშვილი (–74 კგ) სპორტულ სამბოში ევროპის ჩემპიონია. ტურნირი ამ დღეებში მინსკში მიმდინარეობს.

ფინალში ქართველმა სპორტსმენმა ბულგარეთის წარმომადგენელს, აშოტ მარტიროსიანს სძლია.

ქართველი სამბისტები - Sputnik საქართველო
ნინო ოძელაშვილმა სამბოში ევროპის ჩემპიონატზე ოქროს მედალი მოიპოვა

კიდევ ერთი ოქროს მოტანა საქართველოს ნაკრებისთვის მსოფლიოს მოქმედ ჩემპიონს 57 კილოგრამამდე წონით კატეგორიაში ვახტანგ ჩიდრაშვილს შეეძლო, მაგრამ გადამწყვეტ ბრძოლაში მან რუსეთის წარმომადგენელ ვლადიმირ გლადკიხთან წააგო.

ამგვარად, შეჯიბრების ორი დღის განმავლობაში საქართველოს ნაკრების აქტივში სამი მედალია – ორი ოქროს და ერთი – ვერცხლის. უფრო ადრე ოქროს მედალი ნინო ოძელაშვილმა (–72 კგ) მიიღო და შარშან მიღებული ტიტული დაიცვა.

ევროპის ჩემპიონატი სამბოში მინსკში 22 მაისამდე გაგრძელდება.


ყველა ახალი ამბავი
0