თბილისი, 28 აპრილი — Sputnik. ქართველი ჩოგბურთელი მარიამ ბოლქვაძე (583) ბელგიელ მარგუს ბოვისთან (874) ერთად კაიროს ტურნირის წყვილთა შეჯიბრებაში ნახევარფინალში გავიდა, აღნიშნულია ITF-ის ვებ-გვერდზე.
მეოთხედფინალში ქართულ-ბელგიურმა დუეტმა ანასტასია კლიმენკოსა (უკრაინა) და სვარა კულკარნის (ინდოეთი) წყვილი ორ სეტში 6:4, 6:3 დაამარცხა.
ბოლქვაძე/ბოვის წყვილმა ფინალში გასასვლელად მელისა მორალესი/კირსტენ უიდონის (გვატემალა) წყვილს უნდა სძლიოს.
კაიროს ტურნირზე ბოლქვაძე ინდივიდუალურ შეჯიბრებაშიც მონაწილეობდა, მაგრამ გამოსვლა მეორე რაუნდში დაასრულა — ჰოლანდიელ დომინიკ კარეგატთან სამ სეტში წააგო — 6:7, 6:3, 3:6.
კაიროს ტურნირი 30 აპრილამდე გაგრძელდება. მისი საპრიზო ფონდი 15 ათასი აშშ დოლარია.
