თბილისი, 22 აპრილი — Sputnik. ლატვიის დედაქალაქ რიგაში გამართულ მოჭადრაკე ქალთა ინდივიდუალურ ჩემპიონატზე ნანა ძაგნიძემ პირველი ადგილი დაიკავა.
საქართველოს ნომერ პირველი მოჭადრაკე დღეს გამართულ მე-11 ტურის შეხვედრაში რუს ნატალია პოგონინას შეხვდა, პარტია ფრე ანგარიშით დაასრულა და ჩემპიონის ტიტული გაინაღდა, ნათქვამია საქართველოს სპორტისა და ახალგაზრდობის საქმეთა სამინისტროს ვებ-გვერდზე.
„აღსანიშნვაია, რომ ნანა ძაგნიძე პირველი ქართველი ქალია, რომელიც ევროპის ჩემპიონი გახდა. აქამდე ქართველების მონაგარში 2 ვერცხლი და 3 ბრინჯაოს მედალია“, — აღნიშნულია განცხადებაში.
ევროპის ჩემპიონატების ისტორია 2000 წლიდან იწყება. სხვადასხვა დროს ქართველი მოჭადრაკეებიდან პრიზიორები იყვნენ: ვერცხლი — სალომე მელია (2013წელი); ნინო ბაციაშვილი (2015 წელი), ბრინჯაო — მაია ჩიბურდანიძე (2000 წელი); ქეთევან არახამია-გრანტი (2001წელი) და სალომე მელია (2014წელი).
