თბილისი, 28 მარტი — Sputnik. ბათუმში მშვილდოსნობაში საქართველოს ჩემპიონატი ქალთა შორის საკმაოდ უჩეულოდ დასრულდა.
გაიმარჯვა თიკო ფუტკარაძემ, რომელმაც ფინალში საკუთარ დედას — ხათუნა ნარიმანიძეს სძლია ანგარიშით 6:5.
საინტერესოა კიდევ ის ფაქტი, რომ საქართველოს ნაკრების მთავარი მწვრთნელია თამაზ ფუტკარაძე — ხათუნას მეუღლე და თიკოს მამა. ვის მხარეს იყო მწვრთნელის სიმპათია — უცნობია.
ხათუნა ნარიმანიძე ოთხი ოლიმპიადის მონაწილეა: სიდნეის (2000), ათენის (2004), პეკინის (2008) და რიო-დე-ჟანეიროს. ჩინეთის ოლიმპიადაზე ნარიმანიძემ შემაჯამებელ ოქმში მეცხრე ადგილი დაიკავა.