საფეხბურთო კლუბი „ურალი“ კიდევ ერთი ქართველი ფეხბურთელით შეივსება

© FB / клуб "Урал"ჯემალ ტაბიძე
ჯემალ ტაბიძე - Sputnik საქართველო
გამოწერა
საქართველოს ახალგაზრდული ნაკრების მცველს ჯემალ ტაბიძეს ბელგიურ კლუბ „გენტის“ სათადარიგო სკამზე ჯდომა აღარ სურს.

თბილისი, 15 თებერვალი — Sputnik. საქართველოს ახალგაზრდული ნაკრების მცველმა ჯემალ ტაბიძემ საფეხბურთო კლუბ „ურალთან“ კონტრაქტი გააფორმა. გუნდი რუსეთის პრემიერ-ლიგაში გამოდის, იუწყება კლუბის ოფიციალური ვებ-გვერდი.

ტაბიძე „ურალში“ 2016-2017 წლების სეზონის დასრულებამდე იჯარის უფლებებით გამოვა. 20 წლის მცველზე უფლება ბელგიურ „გენტს“ აქვს, რომელშიც ქართველი სპორტსმენი თბილისის „საბურთალოდან“ 2015 წლის ზაფხულში გადავიდა.

ოთარ კაკაბაძე - Sputnik საქართველო
ზივზივაძის დებიუტი „ესბიერგის“ შემადგენლობაში

ტაბიძემ წინასასეზონო საწვრთნელი შეკრება „ურალთან“ ერთად კვიპროსზე გაატარა. წვრთნების მიმდინარეობისას კლუბის ხელმძღვანელობამ და მწვრთნელთა შტაბმა ახალგაზრდა ფეხბურთელთან კონტრაქტის გაფორმება გადაწყვიტეს.

„რუსულ პრემიერ-ლიგაში გადასვლა დიდი წინგადადგმული ნაბიჯია. მე შეთანხმება მაქვს „გენტთან“ და კიდევ ექვსი თვე ბელგიური კლუბის კუთვნილება ვიქნები. მაგრამ საქმე ისაა, რომ პირველ გუნდში ჩემზე გათვლა არ ჰქონდათ და ძირითადად დუბლებში ვთამაშობდი. ეს არ მაწყობდა“, — განაცხადა ტაბიძემ „ურალის“ პრეს-სამსახურთან პირველ ინტერვიუში.

2016 წლის ზაფხულში კონტრაქტი „ურალთან“ ასევე გააფორმა საქართველოს ნაკრების ძირითადი შემადგენლობის ნახევარმცველმა გიორგი ჭანტურიამ.

ყველა ახალი ამბავი
0