თბილისი, 9 იანვარი — Sputnik. საქართველოს პირველი ჩოგანი ნიკოლოზ ბასილაშვილი პორტუგალიელ გაშტაო ელიაშუსთან ორ სეტში დამარცხდა — 6:7, 4:6 და სიდნეიში АТР-ს ტურნირის ძირითად ბადეში გადასვლა ვერ შეძლო, აღნიშნულია ტურნირის ოფიციალურ ვებ-გვერდზე განთავსებულ ინფორმაციაში.
ელიაშმა, რომელსაც მსოფლიო რეიტინგში 81-ე ადგილი უკავია, ქართველ სპორტსმენს (АТР-ის რეიტინგში 94-ე პოზიცია) ყველა კომპონენტებით აჯობა. პორტუგალიელმა ბურთების 79% მოიგო მაშინ, როდესაც ბასილაშვილთან ეს მაჩვენებელი 67%-ს შეადგენდა.
უფრო ეფექტურად მოქმედებდა ელიაში ბურთების მიღებაზე. მან მოიგო ბურთების 33% ბასილაშვილის პირველი ჩაწოდების შემდეგ და 53% — მეორე ჩაწოდების შემდეგ.
მიუხედავად ამისა, ბასილაშვილმა პირველი სეტის ტაი-ბრეიკამდე მიყვანა შეძლო, სადაც 1:7 წააგო. მეორე პარტიაში ქართველი ჩოგბურთელი შეეცადა თამაშის შემობრუნებას, მაგრამ ელიაშის ბრეიკმა შეხვედრის შედეგი გადაწყვიტა.
სიდნეის ტურნირი 14 იანვრამდე გაგრძელდება. მისი საპრიზო ფონდია 440 ათასი აშშ დოლარი. მოქმედი ჩემპიონია სერბი ვიქტორ ტროიცკი.
