თბილისი, 22 მაისი – Sputnik. საქართველოს პირველმა ჩოგანმა ნიკოლოზ ბასილაშვილმა „როლან გაროს“ დიდი შლემის მეორე კვალიფიკაციურ მატჩში ამერიკელი ბიორნ ფრატანგელო 3 სეტში დაამარცხა ანგარიშებით:6–1, 6–7, 6–3.
შეხვედრა თითქმის 2 საათის განმავლობაში გაგრძელდა. პირველი პარტიისთვის მხოლოდ 26 წუთი დაიხარჯა, მეორე სეტში კი ამერიკელმა სპორტსმენმა შეუპოვარი წინააღმდეგობა გაუწია ბასილაშვილს. 5–5 ანგარიშის დროს ბრეიკის გაკეთების გამო, ბასილაშვილმა ჩაწოდების უფლება დაკარგა და გამარჯვებულის გამოვლენა ტაი–ბრეიკზე მოხდა, სადაც უფრო ძლიერი აშშ–ს წარმომადგენელი აღმოჩნდა ანგარიშით 11–9.
ფინალურმა პარტიამ ქართველი ჩოგბურთელის აშკარა უპირატესობით ჩაიარა. ბასილაშვილმა, რომელიც დაწინაურებული იყო ანგარიშით 5–1, მოწინააღმდეგეს 2 გეიმში გამარჯვების საშუალება მისცა. თუმცა შემდეგ, საკუთარ ჩაწოდებაზე დამაჯერებელი წერტილი დაუსვა ორთაბრძოლას.
ტურნურის ძირითად ბადეში მოსახვედრად ბასილაშვილს კიდევ ერთ ამერიკელ სპორტსმენთან ჯარედ დონალდსთან მოუწევს შერკინება, რომელმაც 2 სეტში დაამარცხა რამკუმარ რამანათჰანი ანგარიშებით 6–2, 6–0.