გაბუნია: ბავშვებში ვირუსის გავრცელების შემთხვევები გვაქვს, თუმცა მდგომარება უკეთესია

© photo: Sputnik / Stringerსაავადმყოფოს პალატა
საავადმყოფოს პალატა - Sputnik საქართველო, 1920, 05.08.2021
გამოწერა
კორონავირუსის გავრცელების შემთხვევები ბავშვებში კვლავ არის, მიუხედავად ამისა, პედიატრიული საწოლფონდი ქვეყანაში არ არის დატვირთული, აცხადებს თამარ გაბუნია.
თბილისი, 5 აგვისტო – Sputnik. კორონავირუსის გავრცელების კუთხით მდგომარეობა ბავშვებთან მიმართებით შედარებით უკეთესია, განაცხადა ჯანდაცვის მინისტრის მოადგილემ თამარ გაბუნიამ საკოორდინაციო საბჭოს სხდომის დასრულების შემდეგ გამართულ ბრიფინგზე.
მისი თქმით, ინფიცირების შემთხვევები არის, თუმცა ბავშვებისთვის დამატებული ჰოსპიტალური საწოლები ამ ეტაპზე გადატვირთული არ არის.
„რა თქმა უნდა, შემთხვევების რაოდენობა რჩება, თუმცა დაავადების მიმდინარეობა არის მსუბუქი, პანიკაც, შიშიც გაქრა პირველი ტალღის შემდეგ და ბავშვების დიდი ნაწილი რჩება ოჯახში საწყისი შეფასების შემდეგ“, – განაცხადა გაბუნიამ.
ქვეყანა კორონავირუსის მეოთხე ტალღას ებრძვის. ინფიცირების ყოველდღიური მაჩვენებელი ძალიან მაღალია. სპეციალისტების აზრით, ასეთი ზრდა კორონავირუსის ახალი შტამების გავრცელებამ გამოიწვია.
კორონავირუსის ეპიდემია - Sputnik საქართველო, 1920, 05.08.2021
რამდენ ხანს გაგრძელდება მეოთხე ტალღის პიკი და რას პროგნოზირებენ ეპიდემიოლოგები
ბოლო მონაცემებით, საქართველოში ამ დროისათვის სულ აცრილია 564.691 პირი, აქედან სრული ორი დოზით – 178.077 ადამიანი. ეპიდემიოლოგების განმარტებით, ვირუსის დასამარცხებლად აუცილებელია ქვეყნის მოსახლეობის 60–70% იყოს ვაქცინირებული.
საქართველოში ვაქცინაცია ნებაყოფლობითია. მოსახლეობის არავაქცინირებული ნაწილისთვის განსაკუთრებული შეზღუდვები არ მოქმედებს.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 3.670-ით გაიზარდა და ინფიცირებულთა საერთო რიცხვმა 436.573-ს მიაღწია.
ყველა ახალი ამბავი
0