„ემიგრანტ ბებიას და დეიდას ჩამოვიყვან“ – რაში დახარჯავს მილიონ ლარს ლაშა ბექაური

© REUTERS / ANNEGRET HILSEლაშა ბექაური
ლაშა ბექაური - Sputnik საქართველო, 1920, 29.07.2021
გამოწერა
ლაშა ბექაურისთვის ეს პირველი ოლიმპიური თამაშები იყო. ქართველი ფალავანი ოლიმპიურ ოქროს მედალს ფინალში გერმანელ ედუარდ ტრიპელთან გამარჯვებით დაეუფლა.
თბილისი, 29 ივლისი – Sputnik. პირველი ოლიმპიური ოქროს მფლობელი ქართველი წლევანდელი ტოკიოს ოლიმპიადიდან ლაშა ბექაური მთავრობის მიერ ნაჩუქარი მილიონი ლარით ემიგრაციაში მყოფი ოჯახის წევრების სამშობლოში დაბრუნებას გეგმავს. ამის შესახებ სპორტსმენმა ტელეკომპანია „იმედის“ დილის გადაცემაში განაცხადა.
„პირველ რიგში ჩემი ბებია და დეიდა ემიგრაციაში არიან საბერძნეთში და მინდა ისინი ჩამოვიყვანო საქართველოში. დანარჩენზე არ მიფიქრია, ჩემი პირველი სურვილი ესაა”, – ამბობს ოლიმპიური ჩემპიონი.
ლაშა ბექაურმა საქართველოს პირველი ოლიმპიური ოქრო გუშინ მოუტანა. ფინალში მან გერმანელი სპორტსმენი დაამარცხა.
ძიუდოისტი ლაშა ბექაური - Sputnik საქართველო, 1920, 20.10.2018
ქართველი ძიუდოისტი ლაშა ბექაური მსოფლიო ჩემპიონია
 საქართველოს მთავრობის გადაწყვეტილებით, ის სპორტსმენები, რომლებიც ტოკიოში ოლიმპიური ჩემპიონები გახდებიან და, შესაბამისად, საქართველოს ოქროს მედალს მოუტანენ, მილიონი ლარით დასაჩუქრდებიან.
საქართველოდან ტოკიოს ზაფხულის ოლიმპიურ თამაშებზე 34 სპორტსმენი მონაწილეობს. ლიცენზიანტთა შორის სამი ოლიმპიური ჩემპიონი და ორი პრიზიორია. რაც შეეხება პარალიმპიურ თამაშებს, პირველად ისტორიაში, საქართველო სპორტის 6 სახეობაში 16 პარასპორტსმენით წარდგება.
ტოკიოში ოლიმპიური თამაშები 23 ივლისიდან 8 აგვისტოს ჩათვლით, ხოლო პარალიმპიური თამაშები 24 აგვისტოდან 6 სექტემბრის ჩათვლით გაიმართება. კორონავირუსის პანდემიის გამო თამაშებს მაყურებლები ვერ ესწრებიან.
ყველა ახალი ამბავი
0