აბიტურიენტთა გამოცდების ძირითადი სესიები სრულდება: როდის გამოცხადდება ქულები

© Sputnik / Alex Shlamovგამოცდები – აბიტურიენტები და მათი მშობლები
გამოცდები – აბიტურიენტები და მათი მშობლები - Sputnik საქართველო, 1920, 20.07.2021
გამოწერა
ერთიანი ეროვნული გამოცდები 2021 წელსაც კოვიდ-პანდემიასთან დაკავშირებული ყველა რეგულაციის დაცვით ტარდება.
თბილისი, 20 ივლისი – Sputnik. 2021 წლის ერთიანი ეროვნული გამოცდები აბიტურიენტებისთვის დასასრულს უახლოვდება, გამოცდების შედეგების გამოცხადება კი აგვისტოს პირველი ნახევრიდან დაიწყება. ამის შესახებ შეფასებისა და გამოცდების ეროვნული ცენტრის დირექტორმა სოფიო გორგოძემ განაცხადა.
დღეს აბიტურიენტები ფიზიკის, ლიტერატურისა და ზოგადი უნარების გამოცდებს აბარებენ. ასევე დღეს საგამოცდო ცენტრები იმ მოქმედ მასწავლებლებსა და მასწავლებლობის მსურველებსაც მიიღებენ, რომლებიც სპეციალობის საგნის გამოცდას აბარებენ.
მსჯავრდებულები - Sputnik საქართველო, 1920, 02.07.2021
ერთიან ეროვნულ გამოცდებს 24 მსჯავრდებული აბარებს
„ნაშრომების გასწორების პროცესი უკვე დაწყებულია. გამოცდების შედეგების გამოქვეყნება აგვისტოს პირველი ნახევრიდან დაიწყება“, – განაცხადა სოფიო გორგოძემ.
21 ივლისიდან კი სესიები იმ აბიტურიენტებისთვის დაინიშნა, რომლებმაც ვერ მოახერხეს გამოცდაზე დასწრება COVID-19-ის ინფექციის დადასტურების გამო.
საქართველოში ერთიანი ეროვნული გამოცდები 1 ივლისს დაიწყო. ერთიანი ეროვნული გამოცდებისთვის რეგისტრაცია წელს 38.400-ზე მეტმა აბიტურიენტმა გაიარა.
2021 წლის ერთიანი ეროვნული გამოცდები ქართული ენისა და ლიტერატურის გამოცდით დაიწყო. 14 ივლისიდან გამოცდებში მასწავლებლები და მასწავლებლობის მსურველი პირები ჩაერთვნენ. 28 ივლისს სტუდენტთა საგრანტო კონკურსი ჩატარდება, ხოლო საერთო სამაგისტრო გამოცდას მაგისტრანტობის კანდიდატები 27-30 ივლისს ჩააბარებენ. წელს პირველად ტარდება გამოცდა სპეციალური მასწავლებლებისა და უფროსი სპეციალური მასწავლებლებისთვის.
გამოცდები 2021 წელსაც კოვიდ-პანდემიასთან დაკავშირებული ყველა რეგულაციის დაცვით ტარდება. თუმცა, 2020 წლისგან განსხვავებით, წელს გამოცდების გადატანის შესაძლებლობა მიეცათ იმ აბიტურიენტებს, რომლებსაც გამოცდის წინ კორონავირუსი დაუდასტურდათ.
ყველა ახალი ამბავი
0