თბილისში პრემიერის გადადგომის მოთხოვნით აქცია ჩატარდება

© photo: Sputnik / Stringerპარლამენტის შენობა
პარლამენტის შენობა - Sputnik საქართველო, 1920, 11.07.2021
გამოწერა
რამდენიმე დღის წინ თბილისში მომხდარი არეულობის დროს სასტიკად ნაცემი ტელეოპერატორის გარდაცვალება საქართველოსთვის შოკისმომგვრელი გახდა და საპროტესტო განწყობები გამოიწვია.
თბილისი, 11 ივლისი – Sputnik. საქართველოს პრემიერ-მინისტრის გადადგომის მოთხოვნით საპროტესტო აქციის გამართვა თბილისში პარლამენტის შენობის წინ დღეს 18:00 საათზე იგეგმება.
დედაქალაქის ცენტრში საპროტესტო აქციის გამართვა მას შემდეგ დაანონსდა, რაც ცნობილი გახდა, რომ გარდაიცვალა „ტვ პირველის“ ოპერატორი ალექსანდრე ლაშქარავა, რომელიც 5 ივლისს თბილისში განვითარებული მოვლენების გაშუქებისას ლგბტ-თემის მოწინააღმდეგეებმა სასტიკად სცემეს. მას ძვლების მოტეხილობები აღენიშნებოდა. მას იმ დღესვე ოპერაცია ჩაუტარდა, სამი დღის შემდეგ კი ლექსო ლაშქარავა კლინიკიდან გაწერეს. ბოლო დღეები მან სახლში გაატარა, შაბათს კი ის „ტვ პირველის“ დღის ეთერის ერთ-ერთი სტუმარი იყო და 5 ივლისის მოვლენებს იხსენებდა.
112 - Sputnik საქართველო, 1920, 11.07.2021
კომენტარი გააკეთა კლინიკის დირექტორმა, სადაც ლექსო ლაშქარავას ოპერაცია ჩაუტარდა
„სისტემა კლავს! გამოდი სიცოცხლისთვის!“ - ამ ლოზუნგით დააანონსეს სამოქალაქო აქტივისტებმა აქციის გამართვა. თბილისში აქციის ორგანიზატორია „მოძრაობა საქართველოსთვის“. იგივე მოთხოვნით და იგივე დროს აქცია გაიმართება ბათუმშიც, სადაც აქციის ორგანიზატორია საზოგადოებრივი ორგანიზაცია „მე მიყვარს ბათუმი“.
„სრულ პასუხისმგებლობას ვაკისრებთ საქართველოს ხელისუფლებას 5 და 6 ივლისის მოვლენებზე, რისი შედეგიცაა ლექსო ლაშქარავას გარდაცვალება! გამოდი რომ შემდეგი არიყო შენ! სისტემა კლავს!“ - ნათქვამია ორგანიზატორების მიმართვაში.
აქციაზე სამი ძირითადი მოთხოვნა იქნება: ირაკლი ღარიბაშვილის პრემიერის პოსტიდან გადადგომა, ლექსო ლაშქარავას გარდაცვალების სამართლიანი გამოძიება და ოპერატორზე თავდასხმის ყველა მონაწილის დაკავება და დასჯა.
თავად ღარიბაშვილმა ლაშქარავას გარდაცვალებასთან დაკავშირებით მწუხარება გამოთქვა.
პრემიერმა აღნიშნა, რომ შინაგან საქმეთა სამინისტრომ უკვე დაიწყო გამოძიება და საზოგადოებას მომხდართან დაკავშირებით სრულყოფილი ინფორმაცია უმოკლეს ვადებში მიეწოდება.
ირაკლი ღარიბაშვილი - Sputnik საქართველო, 1920, 11.07.2021
პრემიერი ლექსო ლაშქარავას გარდაცვალების გამო მწუხარებას გამოთქვამს
ლექსო ლაშქარავას დედა, რომელმაც დილით შვილი გარდაცვლილი ნახა, ამტკიცებს, რომ 5 ივლისის აქციაზე ცემამდე მისი შვილი აბსოლუტურად ჯანმრთელი იყო და მის გარდაცვალებას სწორედ ამ მოვლენებს უკავშირებს, მაგრამ კონკრეტული მიზეზის დასახელება უჭირს.
სისხლის სამართლის საქმე თვითმკვლელობამდე მიყვანის მუხლით არის აღძრული - ცხედარზე ძალადობრივი სიკვდილის აშკარა ნიშნების არარსებობის შემთხვევაში ეს სტანდარტული პროცედურაა. არ არის გამორიცხული, რომ მოგვიანებით საქმის კვალიფიკაცია შეიცვალოს.
ლევან სამხარაულის სახელობის სასამართლო ექსპერტიზის ეროვნული ბიურო - Sputnik საქართველო, 1920, 11.07.2021
ლექსო ლაშქარავას გარდაცვალების საქმეზე ექსპერტიზაში დამოუკიდებელი ექპერტი ჩაერთვება
შსს-მ დაღუპულის ოჯახს სასამართლო ექსპერტიზაში დამოუკიდებელი და საერთაშორისო ექსპერტის ჩართვა შესთავაზა. უკვე ცნობილია, რომ ექსპერტიზაში ჩაერთვება დამოუკიდებელი ექსპერტი ალექსანდე გეჯაძე. ოჯახის ინტერესებს ასევე იცავს ახალგაზრდა იურისტთა ასოციაცია.
ყველა ახალი ამბავი
0