https://sputnik-georgia.com/20210709/inpicirebuli-chvili-bavshvebis-mdgomareoba-mzimea-252265580.html
კოვიდ-ინფიცირებული ჩვილი ბავშვების მდგომარეობა კვლავ მძიმეა
კოვიდ-ინფიცირებული ჩვილი ბავშვების მდგომარეობა კვლავ მძიმეა
Sputnik საქართველო
ეპიდემიოლოგების განცხადებით, ბავშვებში კორონავირუსის „ინდური შტამის“ გავრცელება მეტია, ვიდრე ვირუსის სხვა ვარიანტების. 09.07.2021-ს, Sputnik საქართველო
2021-07-09T15:39+0400
2021-07-09T15:39+0400
2023-08-17T18:12+0400
ახალი ამბები
საზოგადოება
საქართველო
covid-19
https://cdnn1.img.sputnik-georgia.com/img/07e5/03/10/251180413_0:160:3071:1887_1920x0_80_0_0_179e02635060bab73e7883c8dc72b092.jpg
თბილისი, 9 ივლისი – Sputnik. თბილისის ირაკლი ციციშვილის სახელობის ბავშვთა ახალ კლინიკაში მოთავსებული კორონავირუსით ინფიცირებული სამივე ჩვილის მდგომარეობა, რომლებიც ხელოვნური სუნთქვის აპარატზე არიან შეერთებული, კვლავ მძიმეა, განაცხადა კლინიკის სამედიცინო დირექტორმა მაია ჩხაიძემ.მედიასაშუალებებმა სამი ჩვილის ინფიცირების შესახებ ინფორმაცია გუშინ გაავრცელეს. ორი ბავშვი ორი თვის, ერთი კი ახალშობილია. სამივე მათგანი კლინიკის კრიტიკული მედიცინის დეპარტამენტშია მოთავსებული. ჩხაიძის თქმით, ბავშვებიდან ერთ-ერთს PCR–კვლევით კორონავირუსის ე.წ. ინდური შტამი დაუდასტურდა, მეორეს კი ე.წ. ბრიტანული. რაც შეეხება მესამე ჩვილს, მისი მდგომარეობა სტაბილურად მძიმეა და კვლევა გრძელდება. ახალშობილი, რომელსაც ე.წ. ინდური შტამი დაუდასტურდა, თბილისში აფხაზეთიდან არის გადმოყვანილი.„სამივე პაციენტის ზოგადი მდგომარეობა სტაბილურად მძიმედ რჩება, სამივე რჩება მართვით სუნთქვაზე, განსაკუთრებული მძიმე მდგომარეობაა „ინდური შტამით“ დადასტურებულ პაციენტთან", – განაცხადა მაია ჩხაიძემ.საქართველოში კორონავირუსის „ინდური შტამის" (იგივე „დელტა" შტამი) პირველი შემთხვევა ლაბორატორიულად 27 მაისს დადასტურდა. ბოლო მონაცემებით, ქვეყანაში ე.წ. ინდური შტამის სულ 52 შემთხვევაა დადასტურებული, ხუთ საეჭვო შემთხვევაზე კი კვლევა მიმდინარეობს. „ინდური შტამის" გავრცელების ტემპი კორონავირუსის მუტაციის შემდეგ გაიზარდა, რადგან ის იოლად უმკლავდება ანტისხეულებს, რომლებიც წარმოიქმნება აცრის შემდეგ, ან ბუნებრივი გზით იმ ადამიანების ორგანიზმში, რომლებმაც უკვე გადაიტანეს COVID-19.სპეციალისტები არ გამორიცხავენ, რომ „ინდური" შტამი მალე „ბრიტანულს" ჩაანაცვლებს, რომელიც ამჟამად აქტიურად ცირკულირებს ქვეყანაში.
https://sputnik-georgia.com/20210708/afxazeTidan-TbilisSi-gadmoyvanil-bavSvs-induri-Stami-daudasturda-252258156.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საზოგადოება, საქართველო, covid-19
ახალი ამბები, საზოგადოება, საქართველო, covid-19
კოვიდ-ინფიცირებული ჩვილი ბავშვების მდგომარეობა კვლავ მძიმეა
15:39 09.07.2021 (განახლებულია: 18:12 17.08.2023) ეპიდემიოლოგების განცხადებით, ბავშვებში კორონავირუსის „ინდური შტამის“ გავრცელება მეტია, ვიდრე ვირუსის სხვა ვარიანტების.
თბილისი, 9 ივლისი – Sputnik. თბილისის ირაკლი ციციშვილის სახელობის ბავშვთა ახალ კლინიკაში მოთავსებული კორონავირუსით ინფიცირებული სამივე ჩვილის მდგომარეობა, რომლებიც ხელოვნური სუნთქვის აპარატზე არიან შეერთებული, კვლავ მძიმეა, განაცხადა კლინიკის სამედიცინო დირექტორმა მაია ჩხაიძემ.
მედიასაშუალებებმა სამი ჩვილის ინფიცირების შესახებ ინფორმაცია გუშინ გაავრცელეს. ორი ბავშვი ორი თვის, ერთი კი ახალშობილია. სამივე მათგანი კლინიკის კრიტიკული მედიცინის დეპარტამენტშია მოთავსებული.
ჩხაიძის თქმით, ბავშვებიდან ერთ-ერთს PCR–კვლევით კორონავირუსის ე.წ. ინდური შტამი დაუდასტურდა, მეორეს კი ე.წ. ბრიტანული. რაც შეეხება მესამე ჩვილს, მისი მდგომარეობა სტაბილურად მძიმეა და კვლევა გრძელდება. ახალშობილი, რომელსაც ე.წ. ინდური შტამი დაუდასტურდა, თბილისში აფხაზეთიდან არის გადმოყვანილი.
„სამივე პაციენტის ზოგადი მდგომარეობა სტაბილურად მძიმედ რჩება, სამივე რჩება მართვით სუნთქვაზე, განსაკუთრებული მძიმე მდგომარეობაა „ინდური შტამით“ დადასტურებულ პაციენტთან", – განაცხადა მაია ჩხაიძემ.
საქართველოში კორონავირუსის „ინდური შტამის" (იგივე „დელტა" შტამი) პირველი შემთხვევა ლაბორატორიულად 27 მაისს დადასტურდა. ბოლო მონაცემებით, ქვეყანაში ე.წ. ინდური შტამის სულ 52 შემთხვევაა დადასტურებული, ხუთ საეჭვო შემთხვევაზე კი კვლევა მიმდინარეობს.
„ინდური შტამის" გავრცელების ტემპი კორონავირუსის მუტაციის შემდეგ გაიზარდა, რადგან ის იოლად უმკლავდება ანტისხეულებს, რომლებიც წარმოიქმნება აცრის შემდეგ, ან ბუნებრივი გზით იმ ადამიანების ორგანიზმში, რომლებმაც უკვე გადაიტანეს COVID-19.
სპეციალისტები არ გამორიცხავენ, რომ „ინდური" შტამი მალე „ბრიტანულს" ჩაანაცვლებს, რომელიც ამჟამად აქტიურად ცირკულირებს ქვეყანაში.
