თბილისი, 8 ივნისი – Sputnik. საქართველოში ერთ-ერთი ყველაზე ცნობილი პლასტიკური ქირურგი, მედიცინის მეცნიერებათა დოქტორი დავით ციციშვილი გარდაიცვალა. ინფორმაცია სოციალურ ქსელში გავრცელდა.
„კლინიკა „ქალი და ჯანმრთელობა“ ღრმა მწუხარებას გამოთქვამს ყველასთვის უსაყვარლესი, თბილი, უნიჭიერესი, განუმეორებელი ადამიანის და პლასტიკური ქირურგის, ბატონ დავით ციციშვილის გარდაცვალების გამო. ვუსამძიმრებთ ოჯახსა და ყველა მის ახლობელს“, – ნათქვამია კლინიკის „ფეისბუქის“ გვერდზე გამოქვეყნებულ პოსტში.
სოციალურ ქსელში წერენ, რომ ცნობილი ექიმი კოვიდის შემდგომი გართულებებით ბოლო პერიოდი კლინიკაში მკურნალობდა.
