Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

საქართველო კორონავირუსის ვაქცინას ამერიკისგან ერთ-ერთი პირველი მიიღებს

© AFP 2024 / INDRANIL MUKHERJEEვაქცინების ყუთი COVAX–პლატფორმისგან
ვაქცინების ყუთი COVAX–პლატფორმისგან - Sputnik საქართველო, 1920, 08.06.2021
გამოწერა
ამერიკის შეერთებული შტატები მზადაა, ვაქცინის 6 მლნ დოზა პირველ ეტაპზე პარტნიორ ქვეყნებს გაუნაწილოს.

თბილისი, 8 ივნისი – Sputnik. რეგიონული პრიორიტეტებისა და პარტნიორობის გათვალისწინებით, ამერიკის შეერთებული შტატებისგან კორონავირუსის საწინააღმდეგო ვაქცინას პირველ რიგში საქართველო, უკრაინა და კოსოვო მიიღებენ, ნათქვამია საქართველოში აშშ-ის საელჩოს განცხადებაში.

კოვიდ–პასპორტი თუ?.. რა ცნობას გასცემს საქართველო ორჯერადად აცრილებზე>>

შეერთებული შტატები ასევე მზადაა, ქვეყნებს ეკონომიკური აღდგენის პროცესში დაეხმაროს.

„ამ კვირაში პრეზიდენტმა ბაიდენმა გამოაცხადა, რომ შეერთებული შტატები საქართველოს COVID-19-ის საწინააღმდეგო ვაქცინას გაუზიარებს, იმიტომ რომ არც ერთი ჩვენგანი არაა დაცული, სანამ ყველანი არ ვიქნებით დაცული“, – ნათქვამია დიპლომატიური წარმომადგენლობის განცხადებაში.

ივნისის დასაწყისში თეთრმა სახლმა გაავრცელა განცხადება, რომელშიც ნათქვამია, რომ აშშ კორონავირუსის საწინააღმდეგო 6 მლნ დოზა ვაქცინას რეგიონული პრიორიტეტების გათვალისწინებით გაანაწილებს, ასევე გაუგზავნის პარტნიორ ქვეყნებს, მათ შორის საქართველოს, უკრაინას, მექსიკას, კანადას, კორეას, დასავლეთ სანაპიროს, ღაზას, კოსოვოს, ჰაიტის, ეგვიპტეს, იორდანიას, ერაყსა და იემენს.

ამირან გამყრელიძე - Sputnik საქართველო, 1920, 31.05.2021
გამყრელიძე: საზღვრის კვეთისას მხოლოდ ვაქცინაცია საკმარისი არაა

აშშ-ის პრეზიდენტის ადმინისტრაციაში აღნიშნავენ, რომ მზად არიან სხვა ქვეყნებს საერთო ჯამში 80 მლნ დოზა ვაქცინა უწილადონ. ამ ვაქცინების 75% ქვეყნებს შორის COVAX–პლატფორმის მეშვეობით გადანაწილდება.

ვაქცინის პირველი 25 მლნ დოზის გადანაწილება უახლოეს პერიოდში დაიწყება. საქართველო ვაქცინას შტატებისგან სწორედ პირველი ტრანშის ფარგლებში მიიღებს.

საქართველოში ვაქცინაცია 15 მარტს დაიწყო. ამ დროისათვის მოსახლეობა იცრება ოთხი ვაქცინით: AstraZeneca, Pfizer , Sinopharm და Sinovac. ამ ბოლო დროს ვაქცინებთან დაკავშირებით გარკვეული დეფიციტი შეიქმნა. მარაგების შესავსებად საქართველოს მთავრობა აქტიურ მოლაპარაკებებს აწარმოებს მომწოდებლებთან და მწარმოებლებთან.

ზაფხულში საქართველო ამერიკული ვაქცინების Jonson&Jonson და Novovax პირველ პარტიებს ელოდება.

 

ყველა ახალი ამბავი
0