მოდელმა თაკო ნაცვლიშვილმა პოდიუმი მოკლე დროში წარმატებით დაიპყრო. 2017 წელს მის გამოჩენას პარიზის მოდის კვირეულზე დიდი გამოხმაურება მოჰყვა, მის შესახებ მსოფლიოს წამყვანი მოდის ჟურნალები წერდნენ.
View this post on Instagram
2016 წლის იანვარში თაკო „არმანის“ სახეც გახდა. ულამაზეს ქართველ მოდელს ზედიზედ ორჯერ ჰქონდა მცდელობა წლის ყველაზე გრანდიოზულ – Victoria's Secret-ის ჩვენებაში მიეღო მონაწილეობა, თუმცა „ანგელოზებს“ შორის ვერ მოხვდა.
View this post on Instagram
ყოფილი მოდელის ნინო ცქიტიშვილისა და ყოფილი კალათბურთელის ვატო ნაცვლიშვილის უფროსი ქალიშვილი მართლაც ულამაზესია. თუმცა დიდ მომავალს უწინასწარმეტყველებენ წყვილის კიდევ ერთ ქალიშვილს – ანას, რომელსაც რამდენიმე ფოტოსესიაში უკვე აქვს მონაწილეობა მიღებული.
ანა ჯერ პატარაა, თუმცა უკვე მოდელია. გოგონა ძალიან ლამაზია და სურს კარიერა მისი დის მსგავსად სამოდელო სფეროში გააგრძელოს. ცოტა ხნის წინ ცნობილმა დედამ შვილის ფოტოსესია „ინსტაგრამის“ „სთორიზე“ განათავსა. გოგონა ულამაზესია. თაკოს და ანას შუათანა ძმაც ძალიან სიმპათიური ბიჭია, ოჯახს კი ცოტა ხნის წინ მეოთხე შვილიც შეეძინა.