ბათუმში საკონტეინერო ტერმინალის თანამშრომლებმა აქცია გამართეს

© photo: Ministry of Economy and Sustainable Development / FBბათუმის პორტის საკონტეინერო ტერმინალი
ბათუმის პორტის საკონტეინერო ტერმინალი - Sputnik საქართველო, 1920, 29.04.2021
გამოწერა
ბათუმის საერთაშორისო საკონტეინერო ტერმინალის თანამშრომლები კუთვნილი ანაზღაურების მიღებას ითხოვენ. ამასთან ისინი ზეგანაკვეთურად მუშაობას აპროტესტებენ.

თბილისი, 29 აპრილი – Sputnik. ბათუმში საკონტეინერო ტერმინალის თანამშრომლებმა  ხელფასების 30%–ით გაზრდისა და შრომითი პირობების გაუმჯობესების მოთხოვნით აქცია გამართეს, იუწყება ტელეკომპანია „რუსთავი 2“.

აქცია - Sputnik საქართველო, 1920, 29.04.2021
ვითხოვთ ხელფასების მომატებას: რუსთავის „აზოტის“ მუშებმა აქცია განაახლეს

საკონტეინერო ტერმინალში დასაქმებულები აცხადებენ, რომ მათ ხშირად უწევთ ზეგანაკვეთურად მუშაობა, რასაც დამსაქმებელი არ ანაზღაურებს. ასევე არ ერიცხებათ სამედიცინო ცნობის ე.წ. ბიულეტენის ანაზღაურება და ვერ სარგებლობენ კუთვნილი შვებულებით.

ბათუმის საერთაშორისო საკონტეინერო ტერმინალში 100 ადამიანია დასაქმებული. მათ ამავე მოთხოვნით რამდენიმე აქცია გასულ წელსაც გამართეს.

ბათუმის ტერმინალის ადმინისტრაციაში აღნიშნულ პრობლემასთან დაკავშირებით კომენტარი ამ დრომდე არ გაუკეთებიათ.

ყველა ახალი ამბავი
0