საქართველოს საჰაერო სივრცე ვაქცინის გადამზიდავებისთვის 20 ივლისამდე ღია იქნება

© Sputnik / Alexander Imedashviliსატვირთო თვითმფრინავი
სატვირთო თვითმფრინავი - Sputnik საქართველო, 1920, 25.04.2021
გამოწერა
კორონავირუსის საწინააღმდეგო ვაქცინის გადამზიდავებისთვის საჰაერო სივრცის გახსნის შესახებ ადრე მიღებული გადაწყვეტილების მოქმედება 24 აპრილს იწურებოდა

თბილისი, 25 აპრილი – Sputnik. საქართველოს სამოქალაქო ავიაციის სააგენტომ COVID-19-ის ვაქცინის უსაფრთხო და სწრაფი გადაზიდვის ხელშეწყობის მიზნით NOTAM-ი 20 ივლისამდე გააგრძელა.

კორონავირუსის საწინააღმდეგო ვაქცინის გადამზიდავებისთვის საჰაერო სივრცის გახსნის შესახებ ადრე მიღებული გადაწყვეტილების მოქმედება 24 აპრილს იწურებოდა.

ვაქცინაცია - Sputnik საქართველო, 1920, 23.04.2021
საქართველომ კორონავირუსის საწინააღმდეგო ვაქცინების შესანახად მაცივრები მიიღო

ახალი დოკუმენტის თანახმად, 25 აპრილიდან ავიაკომპანიამ, რომელიც ახორციელებს კორონავირუსის საწინააღმდეგო ვაქცინის გადაზიდვას და აღნიშნული შეფასებულია როგორც კრიტიკულად მნიშვნელოვანი, საქართველოს საჰაერო სივრცის გამოყენებისთვის უნდა მიმართოს საქართველოს სამოქალაქო ავიაციის სააგენტოს.

თავის მხრივ, სააგენტო გადამზიდავების გატარების მიზნით ფრენების გადამისამართებას უზრუნველყოფს.

ავიაკომპანიებისთვის, რომლებიც ვაქცინების რეგულარულ გადაზიდვებს ახორციელებენ, საქართველოს საჰაერო სივრცე ასევე ხელმისაწვდომი იქნება სააგენტოში მიმართვის შემთხვევაში, თითოეული ფრენისთვის ნებართვა ერთჯერადად გაიცემა.

ყველა ახალი ამბავი
0