თბილისი, 22 აპრილი – Sputnik. სამეგრელო–ზემო სვანეთის რეგიონში კორონავირუსმა ორი ადამიანი იმსხვერპლა, იუწყება „Sputnik-საქართველოს" კორესპონდენტი.
სამხრეო ადმინისტრაციის ინფორმაციით, გასულ დღე-ღამეში რეგიონში ინფიცირების 96 ახალი შემთხვევა დაფიქსირდა. სამეგრელოს კოვიდ-კლინიკებში 288 პაციენტია მოთავსებული, მათგან 20 პაციენტის მდგომარეობა მძიმეა.
რუხის კლინიკაში მკურნალობის კურსს 176 კოვიდ-პაციენტი გადის, 17 პაციენტის მდგომარეობა მძიმეა. ფოთის კლინიკაში იმყოფება 40 კოვიდ-პაციენტი, მათ შორის მძიმე სამი პაციენტია. ზუგდიდის რეფერალურ ჰოსპიტალში ოთხი პაციენტი მკურნალობს. აბაშის „ევექსის“ კოვიდ–კლინიკაში 24 პაციენტი მკურნალობს. სენაკის „ლაზიკა მედიში“ – 48 პაციენტი.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.226-ით გაიზარდა და ინფიცირებულთა საერთო რიცხვმა 300.264-ს მიაღწია
ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.
ნიკა ლატარია