ცნობილი ჩოგბურთელის ყოფილი მეუღლე, მოდელი ნეკა დოროყაშვილი შვილთან ლუკასთან ერთად დუბაიში ისვენებს. დოროყაშვილმა მოგზაურობის ამსახველი ვიდეო და ფოტოები „ინსტაგრამის“ „სთორიზე“ გამოაქვეყნა. როგორც ჩანს, დედა-შვილი არაჩვეულებრივ დროს ატარებს. აღსანიშნავია, რომ დუბაიში იმყოფება ნიკოლოზ ბასილაშვილიც გერმანელ საცოლესთან, ასევე ჩოგბურთელ შარლოტა ჰელენთან ერთად.
ცოტა ხნის წინ ცნობილი გახდა, რომ ძალადობაში ბრალდებული ჩოგბურთელის ნიკოლოზ ბასილაშვილის წინააღმდეგ სასამართლოში კიდევ ერთი სარჩელი შევიდა, რომლითაც მისი ყოფილი მეუღლე ალიმენტს ითხოვს. „რუსთავი 2“-ის ინფორმაციით, 25 მარტით დათარიღებულ სასარჩელო მოთხოვნაში დოროყაშვილი წელიწადში დაახლოებით 100 000 ლარს მოითხოვს, რომელიც, სარჩელის მიხედვით, ბავშვის საჭიროებებს უნდა მოხმარდეს.
View this post on Instagram
სარჩელში დეტალურად არის აღწერილი მცირეწლოვნის ყოველთვიური საჭიროებები, რაც მოიცავს მის განათლებას, დასვენებას, შოპინგს, ძიძის, ასევე მძღოლის მომსახურებას და სხვ. მაგალითად, სეზონური ტანსაცმელი (წელიწადში სამჯერ) – სულ 18 000 ლარი; დასვენება (წელიწადში სამჯერ) – სულ 18 000 ლარი; ძიძის თანხა – 1000 ლარი; გუვერნანტის ანაზღაურება – 1500 ლარი; სექტემბრიდან სკოლის გადასახადი 2900 ევრო (წელიწადში) და ა.შ.
View this post on Instagram
მას შემდეგ, რაც ჩოგბურთის დოჰას საერთაშორისო ტურნირის გამარჯვებული საქართველოს პირველი ჩოგანი ნიკოლოზ ბასილაშვილი გახდა და დაჯილდოების ცერემონიაზე სიტყვით გამოსვლისას ქართულად მიმართა შვილს. ტრიუმფის შემდეგ ნიკოლოზ ბასილაშვილის შვილისადმი ემოციურ მიმართვას მისი ყოფილი მეუღლის ადვოკატი ანა აბაშიძე გამოეხმაურა: „ამას არ დავწერდი ნამდვილად, რომ არა ბასილაშვილის ეპატაჟური სიტყვა შვილის შესახებ. მას შვილისთვის წელიწად-ნახევარია ალიმენტი არ გადაუხდია. უფრო მეტიც, საკუთარ შვილს სახლს ართმევს სასამართლოს გზით“, – დაწერა ანა აბაშიძემ.
View this post on Instagram
ნიკოლოზ ბასილაშვილის პირადი ცხოვრება ყურადღების ცენტრში განსაკუთრებით მას შემდეგ მოექცა, რაც ის ყოფილი მეუღლის მიმართ ძალადობაში ბრალდებით 22 მაისს დააკავეს. პროკურატურის ვერსიით, 21 მაისს თბილისში, ავჭალის დასახლებაში ბასილაშვილმა ურთიერთშელაპარაკების ნიადაგზე ყოფილი მეუღლის მიმართ ფიზიკური ძალადობა განახორციელა. სისხლის სამართლის საქმეზე გამოძიება 126-ე პრიმა მუხლის მეორე ნაწილით მიმდინარეობს. სასამართლომ სპორტსმენს აღკვეთის ღონისძიებად გირაო 24 მაისს შეუფარდა.
View this post on Instagram
ნიკოლოზ ბასილაშვილი და მისი მეუღლე ნეკა დოროყაშვილი ერთმანეთს დაახლოებით ორი წლის წინ დაშორდნენ, თუმცა ამაზე ოფიციალურად არც ერთს არ უსაუბრია. წყვილი ქორწინებაში 2013 წლიდან იმყოფებოდა, მათ 2015 წელს ვაჟი შეეძინათ.