გამყრელიძე: დღეს ქვეყანაში 10 კლასტერია ჩამოყალიბებული

© photo: Sputnikკორონავირუსის ეპიდემია
კორონავირუსის ეპიდემია - Sputnik საქართველო, 1920, 07.04.2021
გამოწერა
ეპიდემიოლოგები კვლავ კლასტერებზე და ვირუსის საყოველთაო გავრცელებაზე საუბრობენ, რამაც შესაძლოა ამ დროისთვის უკვე გაუქმებული კოვიდშეზღუდვების კვლავ ამოქმედება გამოიწვიოს.

თბილისი, 7 აპრილი - Sputnik. დღეს ქვეყანაში 10 კლასტერია ჩამოყალიბებული და ყველა მათგანი ქორწილებიდან და ქელეხებიდან იღებს სათავეს, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ დღეს გამართულ პრესკონფერენციაზე.

თამარ გაბუნია - Sputnik საქართველო, 1920, 06.04.2021
არსებობს თუ არა სააღდგომოდ შეზღუდვების დაწესების კონკრეტული გეგმა? გაბუნიას განმარტება

საქართველოში ეპიდვითარება საგრძნობლად გაუარესდა. ბოლო 24 საათში ქვეყანაში 687 ახალი შემთხვევა დაფიქსირდა. ცხელ ეპიდწერტილებად რჩება თბილისი, სამეგრელო-ზემო-სვანეთი, აჭარა, იმერეთი. სპეციალისტები კორონავირუსის მესამე ტალღის მოახლოებაზე საუბრობენ და არ გამორიცხავენ, რომ ხელისუფლებას კვლავ მოუწევს შემზღუდავ ღონისძიებებს მიმართოს.

გამყრელიძემ კიდევ ერთხელ მოუწოდა საზოგადოებას, თავი შეიკავონ მსგავსი შეკრებებისგან.

„საზოგადოება უნდა შევთანხმდეთ, რომ სოლიდარული უნდა ვიყოთ და ამ ხნის განმავლობაში თავი შევიკავოთ მსგავსი შეკრებებისგან. ინფექცია სერიოზულად ცირკულირებს ქვეყანაში“, - განაცხადა გამყრელიძემ.

დაავადებათა კონტროლის ეროვნული ცენტრის ხელმძღვანელმა ვაქცინაციაზე და მის აუცილებლობაზეც ისაუბრა.

ვაქცინაცია თბილისის ინფექციურ საავადმყოფოში - Sputnik საქართველო, 1920, 06.04.2021
რომელი ვაქცინით აიცრება ამირან გამყრელიძე

„ვაქცინაცია უფრო ინტენსიური უნდა გახდეს. ახლა ქვეყანაში ვაქცინების 100 ათასზე მეტი დოზის მარაგი გვაქვს. ამ ეტაპზე, აპრილ-მაისში სულ მცირე 3-4 ათასი ადამიანის ყოველდღიურად აცრა გვჭირდება“, - განაცხადა გამყრელიძემ.

პანდემიის დაწყებიდან საქართველოში დაფიქსირებულია კორონავირუსის 285 ათასზე მეტი შემთხვევა. გამოჯანმრთელდა 275 ათასზე მეტი პაციენტი, 3 840 ადამიანი გარდაიცვალა.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

ყველა ახალი ამბავი
0