ჯიხვებზე სატელიტური მონიტორინგი განხორციელდება

© photo: Sputnik / Tomas Tkhaitsuk / გადასვლა მედიაბანკშიჯიხვი
ჯიხვი - Sputnik საქართველო, 1920, 18.03.2021
გამოწერა
დაცული ტერიტორიების სააგენტო აქტიურად მუშაობს საქართველოს ბუნებრივი მემკვიდრეობის დაცვისა და აღდგენის მიმართულებით.

თბილისი, 18 მარტი – Sputnik. მსოფლიოში პირველად ლაგოდეხის დაცულ ტერიტორიებზე აღმოსავლეთკავკასიური ჯიხვის „ტრანსსასაზღვრო ტელემეტრიული მონიტორინგის“ პროექტი ხორციელდება, ნათქვამია დაცული ტერიტორიების სააგენტოს მიერ გავრცელებულ განცხადებაში. 

მდინარე ნინოსხევი ლაგოდეხის ნაკრძალში - Sputnik საქართველო, 1920, 29.06.2020
ლაგოდეხის ნაკრძალი 300 ათასი ევროს დაფინანსებას მიიღებს

როგორც უწყებაში აცხადებენ, ტელემეტრიული მონიტორინგი – კვლევის ერთ-ერთი ყველაზე საინტერესო და რთული მეთოდია, რაც შემდგომი დაკვირვების მიზნით ჯიხვებზე გადამცემიანი საყელოს დამაგრებას გულისხმობს.

პროექტი 2018 წელს დაიწყო და პირველი ეტაპი – ტელემეტრიის საყელოების ჯიხვებზე შებმის ფაზა წარმატებით დასრულდა.

ჯიხვის ტელემეტრია მსოფლიოში პირველად ხორციელდება, რაც აღნიშნული ცხოველების შესახებ მნიშვნელოვანი და ზუსტი ინფორმაციის მოპოვების შესაძლებლობას იძლევა.

პროექტი არასამთავრობო ორგანიზაცია NACRES-ის, ბუნების მსოფლიო ფონდის (WWF), ტრანსსასაზღვრო გაერთიანებული სამდივნოს (TJS) და კავკასიის ბუნების ფონდის (CNF) მხარდაჭერით ხორციელდება.

დაღესტნური ანუ აღმოსავლეთკავკასიური ჯიხვი წვრილჩლიქოსნების რიგს მიეკუთვნება. იგი ენდემური ცხოველია და ბინადრობს კავკასიონის მთავარი ქედის აღმოსავლეთ ნაწილში. ჯიხვები გვხვდება სუბალპურ და ალპურ მდელოებზე ზღვის დონიდან 800-დან 4200 მეტრამდე სიმაღლეების ფარგლებში.

 

ყველა ახალი ამბავი
0