06:19 11 აპრილი 2021
პირდაპირი ეთერი
  • EUR4.0646
  • 100 RUB4.4399
  • USD3.4260
საზოგადოება
მოკლე ბმულის მიღება
გარემოს დაცვა და ეკოლოგია (156)
60 0 0

გადამფრენ ფრინველებზე ნადირობის სეზონი 14 აგვისტოს გაიხსნა და 28 თებერვალს დასრულდება. 1 მარტიდან კი ნადირობისთვის პირს შესაბამისი ჯარიმის გადახდა მოუწევს

თბილისი, 26 თებერვალი - Sputnik. 1 მარტიდან საქართველოში გადამფრენ ფრინველებზე ნადირობა იკრძალება, იუწყება გარემოსდაცვითი ზედამხედველობის დეპარტამენტი.

მარტიდან ნადირობის შემთხვევაში პირს შესაბამისი საჯარიმო სანქციის გადახდა მოუწევს. ბრაკონიერებს ჩამოერთმევათ ნანადირევი და თუ მოპოვებული ნანადირევით გარემოს მნიშვნელოვანი ზიანი მიადგა, პირის მიმართ შესაძლოა სისხლის სამართლის პასუხისმგებლობის საკითხი დადგეს. ასევე შესაძლებელია, პირს სანადირო ცეცხლსასროლი იარაღის ტარების უფლება ჩამოერთვას.

გარემოსდაცვითი ზედამხედველობის დეპარტამენტი ნადირობის მოყვარულებს მოუწოდებს, მკაცრად დაიცვან კანონი და დაწესებული ვადები.

ნადირობის სეზონი მიმდინარე წლის აგვისტოს თვეში გაიხსნება.

ყოველწლიურად საქართველოს ტერიტორიას მილიონზე მეტი გადამფრენი ფრინველი გადაუფრენს. სეზონზე ნადირობა იკრძალება ქალაქებში, ასევე დაცულ ტერიტორიებთან 500 მეტრის რადიუსში.

ნადირობის დროს იკრძალება მცენარეული საფარის დაწვა, გარეული ფრინველის კვერცხის შეგროვება და გაყიდვა, ცხოველთა ბუდეების, ბუნაგების, საცხოვრებელი ადგილების მოშლა ან განადგურება, ცხოველთა მასობრივი მოპოვებისთვის სხვადასხვა მოწყობილობის გამოყენება, ნადირობა თვითმფრინავიდან, ვერტმფრენიდან, ავტომობილიდან, მოტოციკლეტიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან. დაუშვებელია სტიქიური უბედურებების შედეგად დასუსტებული ცხოველების მონადირება.

თემები:
გარემოს დაცვა და ეკოლოგია (156)

მთავარი თემები