თბილისი, 15 თებერვალი – Sputnik. თეა წულუკიანს კორონავირუსი დაუდასტურდა. ამის შესახებ პარლამენტის განათლების, მეცნიერებისა და კულტურის კომიტეტის თავმჯდომარე სოციალურ ქსელში თავად წერს.
- „პატარების მერე მთელ ოჯახს გვეწვია კორონა, ყველას დიდი მადლობა მოკითხვისა და გამხნევებისთვის! სახლში ყოფნა, დღე მე-4“, – დაწერა წულუკიანმა.
საქართველოში ახალი კორონავირუსით დაავადებულთა რაოდენობა, გუშინდელი მონაცემებით, 357-ით გაიზარდა და ინფიცირებულთა საერთო რიცხვმა 265.557-ს მიაღწია.
საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.
