საქართველომ საჰაერო სივრცე გახსნა: რეისების მიმართულება და განრიგი

© photo: Sputnik / Mikhail Fomichev / გადასვლა მედიაბანკშიქართული ავიაკომპანია Airzena - Georgian Airways-ის თვითმფრინავი
ქართული ავიაკომპანია Airzena - Georgian Airways-ის თვითმფრინავი - Sputnik საქართველო, 1920, 01.02.2021
გამოწერა
ამ დროისათვის ორმხრივი საავიაციო კავშირი აღდგენილია გერმანიასთან, ნიდერლანდებთან, პოლონეთთან, საფრანგეთთან, ავსტრიასთან, კატართან, არაბთა გაერთიანებულ საამიროებთან, სომხეთთან, თურქეთთან, უკრაინასთან, ყაზახეთთან და ბელარუსთან.

თბილისი, 1 თებერვალი – Sputnik. თებერვალში საქართველო თბილისის საერთაშორისო აეროპორტიდან რეგულარულ ავიარეისებს 12 ქვეყანაში შეასრულებს, აღნიშნულია სამოქალაქო ავიაციის სააგენტოს განცხადებაში.

საქართველოს მთავრობამ 1 თებერვლიდან რეგულარული ავიამიმოსვლის ყველა მიმართულებით განახლების გადაწყვეტილება მიიღო. საქართველომ რეგულარული ფრენები 2020 წლის მარტის შუა რიცხვებიდან ყველა მიმართულებით შეწყვიტა. საქართველოდან და საქართველოს მიმართულებით სრულდებოდა მხოლოდ სპეცრეისები ქვეყნის მოქალაქეების სამშობლოში დასაბრუნებლად. ზაფხულში რეგულარული რეისების აღდგენა დაიწყო. მაგრამ ეპიდსიტუაციის გაუარესების გამო საავიაციო მიმოსვლის განახლება რამდენჯერმე გადაიდო.

ავიაკომპანია Air Arabia–ს თვითმფრინავი - Sputnik საქართველო, 1920, 25.01.2021
დაბალბიუჯეტიანი ავიაკომპანია Air Arabia საქართველოში ბრუნდება

ამ მომენტისთვის საქართველოდან ავიარეისები ორივე მიმართულებით სრულდება გერმანიაში, ნიდერლანდებში, პოლონეთში, საფრანგეთში, ავსტრიაში, კატარში, არაბთა გაერთიანებულ საამიროებში, სომხეთში, თურქეთში, უკრაინაში, ყაზახეთსა და ბელარუსში.

თებერვალში თბილისსა და ამსტერდამს შორის ოთხი რეისი შესრულდება. ქართული კომპანია „საქართველოს ავიახაზები“ თბილისიდან ამსტერდამში ფრენებს 8 და 20 თებერვალს შეასრულებს, ამსტერდამიდან თბილისში კი 15 და 27 თებერვალს.

თბილისი-ბერლინის რეისები დაგეგმილია 10 და 19 თებერვალს.

კვირაში ორი რეისი, ოთხშაბათსა და კვირას, ერევანში შესრულდება. სააგენტოს ინფორმაციით, რეისები არ არის დანიშნული მხოლოდ 3 და 7 თებერვალს. ამის ნაცვლად, დამატებითი რეისი 5 თებერვალს შესრულდება.

თებერვალში დაგეგმილია ორი რეისი - თბილისი-ვარშავა და ვარშავა-თბილისი. 3 თებერვალს კი დამატებითი რეისი შესრულდება (ჩამოსვლა 04:10 სთ-ზე, გაფრენა - 05:25 სთ-ზე თბილისის დროით).

ვენაში ფრენები მხოლოდ 7 და 21 თებერვალს შესრულდება.

ვაქცინაციის ცენტრი თელ-ავივში - Sputnik საქართველო, 1920, 25.01.2021
COVID-19 მსოფლიოში: ისრაელი „ჰერმეტულად“ დაიხურა, შვედეთმა საზღვრები ჩაკეტა...

4 რეისია დაგეგმილი დუბაიში (ორშაბათსა და ხუთშაბათს) და ექვსი - დოჰაში (სამშაბათს, პარასკევსა და კვირას).

კიევიდან თბილისში და უკან მიმართულებით იფრენს ორი უკრაინული ავიაკომპანია. სულ თებერვალში ქვეყნებს შორის დაგეგმილია 8 რეისი, რომელთაგან 4-ს „უკრაინის საერთაშორისო ავიახაზები“ ორშაბათობით და შაბათობით, კიდევ ოთხს კი ხუთშაბათობით და კვირაობით ავიაკომპანია SKYUP შეასრულებენ.

ერთ თვეში აქტაუ-თბილისისა და თბილისი-აქტაუს მიმართულებით ორი რეისი (ხუთშაბათობით), შარჯაში ორი (შაბათობით), მიუნხენში ოთხი რეისი შესრულდება - ორშაბათობით და პარასკეობით. 8 თებერვლის რეისი გაუქმებულია.

6 რეისია დაგეგმილი მინსკში და უკანა მიმართულებით - ორშაბათს, ხუთშაბათსა და პარასკევს.

გარდა ამისა, ავიაკომპანია Air France შეასრულებს 4 რეისს თბილისიდან პარიზში და პარიზიდან თბილისში. პარიზში გაფრინდება ასევე „საქართველოს ავიახაზები“, მაგრამ მხოლოდ 2 და 16 თებერვალს.

ყველაზე მეტი რეისი სტამბოლშია დანიშნული. კვირაში ოთხჯერ ფრენებს შეასრულებს „თურქეთის ავიახაზები“, ავიაკომპანია Pegasus – 5-ჯერ კვირაში, შაბათის რეისები 13 თებერვალს დაიწყება.

თებერვალში თბილისსა და შარჯას შორის შაბათობით ორი რეისი შესრულდება.

თვითმფრინავი - Sputnik საქართველო, 1920, 01.02.2021
ავიაკომპანია Skyup Airlines საქართველოს მიმართულებით ფრენებს ანახლებს

ათენთან დანიშნულია მხოლოდ ჩარტერული რეისი 22 თებერვალს.

სამოქალაქო ავიაციის სააგენტოს მონაცემებით, ფრენების განრიგი შეიძლება განახლდეს ფრენის დროისა და თარიღის ცვლილების პარალელურად.

ვინ შეძლებს საქართველოში მოხვედრას

საქართველოს საჰაერო საზღვარს გადაკვეთენ უცხოელები, რომლებსაც COVID-19-ის ვაქცინაციის სრული კურსი აქვს გავლილი.

ქვეყანაში გარკვეული შეღავათიანი პირობებით შემოსვლას შეძლებენ ევროკავშირის ქვეყნების, ისრაელის, შვეიცარიის, აშშ-ის, საუდის არაბეთის, არაბთა გაერთიანებული საემიროებისა და ბაჰრეინის მოქალაქეები და რეზიდენტები. მათ უნდა წარმოადგინონ ბოლო 72 საათის განმავლობაში გაკეთებული PCR-ტესტის უარყოფითი პასუხი. საქართველოში ჩამოსვლიდან სამი დღის შემდეგ მათ განმეორებით მოუწევთ ტესტირების ჩატარება.

ამასთან, ეკონომიკისა და მდგრადი განვითარების მინისტრმა ნათია თურნავამ ავიაკომპანიებს მოუწოდა, არ დაუშვან თვითმფრინავში პირები, რომელთაც PCR-ტესტის პასუხები ან კოვიდ-პასპორტები არ ექნებათ.

ბოინგ 737 - Sputnik საქართველო, 1920, 22.01.2021
საქართველო 1 თებერვლიდან რეგულარული ფრენებს ყველა მიმართულებით აღადგენს

რაც შეეხება საქართველოს მოქალაქეებს, მათ სამშობლოში დაბრუნებისას არჩევანის შესაძლებლობა ექნებათ – წარმოადგინონ PCR-ტესტის უარყოფითი პასუხი და რვა დღით თვითიზოლაციაში დარჩნენ, ან გაიკეთონ კიდევ ერთი PCR-ტესტი საკუთარი ხარჯით ჩამოსვლიდან მესამე დღეს.

თუ მოქალაქეს თან არ ექნება PCR-ტესტის უარყოფითი პასუხი, მას რვადღიანი სავალდებულო იზოლაციის დაცვა მოუწევს.

ყველა ახალი ამბავი
0