კოვიდ-სტატისტიკა საქართველოში: სად დაფიქსირდა ინფიცირების ყველაზე მეტი შემთხვევა

© AP Photo / Emilio MorenattiCOVID 19
COVID 19  - Sputnik საქართველო
გამოწერა
საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.800-ით გაიზარდა და ინფიცირებულთა საერთო რიცხვმა 233.879-ს მიაღწია.

თბილისი,  6 იანვარი – Sputnik. საქართველოში ბოლო 24 საათში გამოვლენილი კორონავირუსის 1.800 შემთხვევიდან ყველაზე მეტი – 735 შემთხვევა დედაქალაქში დაფიქსირდა, განაცხადა უწყებათშორის საკოორდინაციო საბჭოსთან არსებული საოპერაციო შტაბის უფროსის მოადგილემ ბერდია სიჭინავამ ბრიფინგზე.

ციხე - Sputnik საქართველო
კორონავირუსი 23 პატიმარ ქალს დაუდგინდა

ინფიცირებულთა შემთხვევების რაოდენობით მეორე ადგილზე იმერეთი, შემდეგ კი სამეგრელო–ზემო სვანეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია: იმერეთი – 331, სამეგრელო–ზემო სვანეთი – 151, ქვემო ქართლი – 128, აჭარა – 119, კახეთი – 116, შიდა ქართლი – 103, გურია – 43, სამცხე-ჯავახეთი – 35, მცხეთა-მთიანეთი – 22, რაჭა-ლეჩხუმი და ქვემო სვანეთი – 17.

ბოლო 24 საათში ვირუსისგან გამოჯანმრთელდა 489 პირი და ჯამში გამოჯანმრთელებულთა რაოდენობა 223.276-მდე გაიზარდა.

ბოლო დღე-ღამის განმავლობში გარდაიცვალა 20 ადამიანი, გარდაცვლილთა საერთო რაოდენობამ 2.666-ს მიაღწია.

ამჟამინდელი მონაცემებით, საქართველოში 7.911 აქტიური შემთხვევაა. კოვიდ-კლინიკებში მოთავსებულია 3.901 პაციენტი, მათ შორის, თბილისის საავადმყოფოებში – 1.921, აჭარაში – 359, იმერეთში – 731.

კათოლიკური შობა საქართველოში - Sputnik საქართველო
ჯანდაცვის სამინისტრო მოსახლეობას შობის დღესასწაულზე სიფრთხილისკენ მოუწოდებს

863 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 279 პირი, მათგან თბილისში – 171, აჭარაში – 18, იმერეთში – 34. კოვიდ-სასტუმროში მოთავსებულია 465 ადამიანი, მათ შორის 211 – თბილისში, 455 – აჭარაში, 26 – იმერეთში. 3.245 პირი მკურნალობს ბინაზე.

დღევანდელი მდგომარეობით, საკარანტინო სივრცეში იმყოფება 484 ადამიანი, მათ შორის, თბილისში – 154, აჭარაში – 45, ხოლო იმერეთში – 64. თვითიზოლაციაში იმყოფება 24.279 ადამიანი, მათ შორის თბილისში – 14.703 პირი, აჭარაში – 1.958, იმერეთში – 2.497.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.800-ით გაიზარდა და ინფიცირებულთა საერთო რიცხვმა 233.879-ს მიაღწია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

 

ყველა ახალი ამბავი
0